Luke 11 Urdu Hindustani Bible 1878

From Textus Receptus

(Difference between revisions)

Jump to: navigation, search

Current revision

LUQA KI INJIL.

11 BÁB

1 Aur aisa hua ki wuh ek jagah dua mangta tha; jad mang chnka, ek ne us ke shagirdon men se us ko kaha, Ai Khudawand, ham ko dua mangne sikha, jaisa ki Yuhanna ne apne shagirdon ko sikhaya.

2 Us ne un se kaha, Jab tum dua mango, to kaho, Ai hamare Bap, jo asman par hai, tere nam ki taqdis ho. Teri badshahat awe. Teri murad jaisi asman par, zamin par bhi bar awe.

3 Hamari roz ki roti har roz hamen de.

4 Aur hamare gunahon ko bakhsh; kyunki ham bhi har ek ko, jo hamara qarzdar hai, bakhshte hain. Aur hamen azmaish men na dal; balki ham ko burai se chhura.

5 Us ne un se kaha, Tum men se kaun hai, jis ka ek dost ho, aur adhi rat ko us ke pas ake kahe, ki Ai dost, mujhe tin roti udhar de.

6 Kyunki mera dost safar se mere pas aya hai, aur mere pas kuchh nahin, ki us ke age rakhun.

7 Aur wuh andar se jawab men kahe, ki Mujhe taklif na de: ki ab darwaza band hai, aur mere larke mere sath bichhaune par hain; main uthkar tujhe de nahin sakta.

8 Mam tum se kahta hun, Agarchi wuh is sabab, ki wuh us ka dost hai, uthkar use na dega.

9 magar us ki behayai ke sabab uthega, aur jitni darkar hai, use dega.

9 So main bhi tumhen kahta hun, Mango, to tumhen diya jaega; dhundho, to paoge; khatkhatao, to tumhare liye khola jaega.

10 Kyunki har ek, jo mangta hai, leta hai; aur jo dhundhta hai, pata hai; aur jo khatkhatata hai, us ke liye khola, jaega.

11 Tum men se kaun aisa bap hai, ki jab us ka beta roti mange, use patthar de? ya machhli mange, machhli ke badle use samp de?

12 Ya agar anda mange, us ko bichchhu de?

13 Pas jab tum bure hokar, apne larkon ko achchhi chizen de jante ho, to wuh Bap, jo asman par hai, kitna ziyada, un ko jo us se mangte hain, Ruh i Quds dega?

14 Aur wuh ek deo ko, jo gunga tha, nikalta tha. Aur aisa, hua, ki jab deo nikal gaya, wuh gunga bola; aur logon ne taajjub kiya.

15 Par bazon ne un men se kaha, ki Wuh deon ke sardar Baalzabub ki madad se deon ko nikalta, hai.

16 Auron ne azmaish ke liye us se ek asmani nishan manga.

17 Par us ne un ke khiyalon ko janke, un se kaha, ki Jo jo badshahat apas men barkhilaf hoti, wiran ho jati hai; aur aisa har ek ghar bhi ujar jata hai.

18 Pas agar Shaitan apne se khilaf ho jae, to us ki badshahat kyunkar qaim rahegi? kyunki tum kahte ho, Main deon ko Baalzabub ki madad se nikalta hun.

19 Bhala, agar main deon ko Baalzabub ki madad se nikalta hun, to tumhare bete kis ki madad se nikalte hain? is liye wehi tumhara insaf karenge.

20 Par agar main Khuda ki ungli se deon ko nikalta hun, to beshakk Khuda ki badshahat tumhare pas a pahunchi.

21 Jab zorawar admi hathyar bandhke apne ghar ki chauki de, us ka mal bacha rahta hai.

22 Par agar koi us se zorawar ake use jite, to sab hathyar, jis par us ka bharosa hai, chhin leta hai, aur us ke mal ko bant deta, hai.

23 Jo mere sath nahin, mera mukhalif hai: aur jo mere sath jama nahin karta, so bithrata hai.

24 Jab napak run admi se bahar nikalti, to sukhi jagahon men aram dhundhti phirti; aur jab nahin pati, kahti hai, ki Main apne ghar ko, jis se nikli hun, phir jaungi.

25 Aur ake, use jhara aur lais pati hai.

26 Tab jake aur sat ruhen, jo us se badtar hain, apne sath lati hai, aur we ake us men basti hain: aur us admi ka pichhla hal pahle se bura hota hai.

27 Aur aisa hua, ki jab wuh yih kahta tha, ek 'aurat ne bhir men se pukarke use kaha, Mubarak hai wuh pet, jis men tu raha, aur wuh chhatian jo tu ne pin.

28 Us ne kaha, Han, mubarak we han, jo Khuda ka kalam sunte, aur mante hain.

29 Aur jab bari bhir hone lagi, us ne kahna shuru kiya, ki Is zamane ke log bure hain; we nishan dhundhte hain; par koi nishan un ko diya na jaega, magar Yunas nabi ka nishan.

30 Kyunki jaisa Yunas Ninawah ke logon ke liye nishan hua, usi tarah Ibn i Adam bin is zamane ke logon ke liye hoga.

31 'Adalat ke din dakhan ki malika is zamane ke logon ke sath uthegi, aur unhen gunahgar thahrawegi: kyunki wuh zamin ke kanare se Sulaiman ki hikmat sunne ai; aur dekho, yahan Sulaiman se bara hai.

32 Ninawah ke log 'adalat ke din is zamane ke logon ke sath uthenge, aur unhen gunahgar thahrawenge: kyunki unhon ne Yunas ki manadi se tauba ki; aur dekho, yahan Yunas se bara hai.

33 Koi chirag jalake chhipe makan men, ya paimane tale nahin rakhta, balki chiragdan par, taki andar janewale roshni dekhen.

34 Badan ka chirag ankh hai: is liye jab teri ankh achchhi hai, to tera sara badan roshan hai; aur jad buri hai, to tera badan andhera hai.

35 Pas khabardar, aisa na ho, ki wuh nur, jo tujh men, hai, tarik ho jae.

36 So agar tera tamam badan roshan ho, aur koi 'azo andhera na rahe, to tamam roshan hoga, aisa ki jaise chirag apni chamak se tujhe roshan kare.

37 Aur jab wuh bat karta tha, ek Farisi ne us se darkhwast ki, ki mere sath khana khaiye; tad wuh andar jake khane baitha.

38 Aur Farisi ne yih dekhke, ki us ne khane ke age na nahaya, taajjub kiya.

39 Par Khudawand ne us ko kaha, ki Ai Farisio, tum piyale aur rikabi ko upar se saf karte ho; par tumhara andar lut aur burai se bhara hai.

40 Ai nadano, kya jis ne bahar ko banaya, andar ko bhi na banaya?

41 Pas jo chiz maujud hain, un men se khairat karo; aur dekho, sab kuchh tumhare liye pak hoga.

42 Par ai Farisio, tum par afsos ki tum podina, aur sudab, aur har ek tarkari ki dahyaki dete ho, aur insaf aur Khuda ki muhabbat ko tarah dete: chahiye tha, ki in ko karte, aur un ko bhi na chhorte.

43 Ai Farisio, tum par afsos! ki tum 'ibadatkhanon men sadr jagah, aur bazaron men salam ko chahte ho.

44 Ai riyakar Faqiho, aur Farisio, tum par afsos! ki tum chhipi goron ki manind ho, ki admi jo un par chalte hain, nahin jante.

45 Tab shariat ke sikhlanewalon men se ek ne us ke jawab men kaha, ki Ai Ustad, in baton ke kahne se tu hamen bhi malamat karta hai.

46 Us ne kaha, Ai shariat ke sikhlanewalon, tum par afsos! ki tum aisc bojh, jin ka uthana mushkil hai, admion par ladte ho, aur ap ek ungli se un bojhon ko nahin chhute.

47 Tum par afsos! ki tum nabion ki qabron ko banate ho, aur tumhare bapdadon ne un ko qatl kiya.

48 Pas tum apne bapdadon ke kam par gawahi dete, aur us se razi rahte; kyunki unhon ne un ko qatl kiya, aur tum un ki qabren banate ho.

49 Is liye Khuda ki hikmat ne bhi kaha hai, ki Main nabion aur rasulon ko un ke pas bhejunga; we un men se bazon ko qatl karenge, aur satawenge.

50 Taki sab nabion ka khun, jo dunya ke shuru' se bahaya gaya, is zamane ke logon se liya jae.

51 Habil ke khun se Zakariyah ke khun tak, jo qurbangah aur haikal ke bich men mara gaya: han, main tum se kahta hun, ki is hi zamane ke logon se liya jaega.

52 Ai shariat ke sikhlanewalo, tum par afsos! ki tum ne marifat ki kunji leli: tum ap dakhil na hue, aur dakhil honewalon ko bhi rok rakha.

53 Jad wuh yih baten un se kah raha tha, Faqih aur Farisi use betarah chimatne aur chherne lage, ki bahut baton kare.

54 Aur ghat lagake, talash men the, ki us ke munh se koi bat pakar pawen, taki us par nalish karen.

The King James Version 2023 Edition New Testament is now complete and in print format here.

Internal Links

Old Testament - New Testament KJV 1900

New Testament KJV 2016

Scrivener's 1894 Textus Receptus

2016 Urdu New Testament (TR Based)

Russian Synodal Version (TR Based)

Reina Valera Gómez Spanish (TR Based)

Marginal Notes in the 1611 Authorized Version

Ephesians 3:9

Why We Should Not Passover Easter 1, 2, & 3

Will Kinney

List of TR/KJV based foreign bibles

List of New Testament minuscules

List of New Testament lectionaries

List of New Testament Papyri

1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17 · 18 · 19 · 20 · 21 · 22 · 23 · 24 · 25 · 26 · 27 · 28 · 29 · 30 · 31 · 32 · 33 · 34 · 35 · 36 · 37 · 38 · 39 · 40 · 41 · 42 · 43 · 44 · 45 · 46 · 47 · 48 · 49 · 50 · 51 · 52 · 53 · 54 · 55 · 56 · 57 · 58 · 59 · 60 · 61 · 62 · 63 · 64 · 65 · 66 · 67 · 68 · 69 · 70 · 71 · 72 · 73 · 74 · 75 · 76 · 77 · 78 · 79 · 80 · 81 · 82 · 83 · 84 · 85 · 86 · 87 · 88 · 89 · 90 · 91 · 92 · 93 · 94 · 95 · 96 · 97 · 98 · 99 · 100 · 101 · 102 · 103 · 104 · 105 · 106 · 107 · 108 · 109 · 110 · 111 · 112 · 113 · 114 · 115 · 116 · 117 · 118 · 119 · 120 · 121 · 122 · 123 · 124 · 125 · 126 · 127 · 128 · 129 · 130 · 131 · 132 · 133 · 134 · 135 · 136 · 137 · 138 · 139 · 140 ·