Luke 7 Urdu Hindustani Bible 1878

From Textus Receptus

(Difference between revisions)

Jump to: navigation, search

Current revision

LUQA KI INJIL.

7 BÁB

1 Aur jab wuh logon ko apni sari baten suna chuka, to Kafarnahum men aya.

2 Aur ek subadar ka gulam, jo us ka bahut piyara tha, bimari se marne par tha.

3 Us ne Yisu ki khabar sunke, Yahudion ke kai ek buzurgon ko us pas bhejkar, us ki minnat ki, ki akar us ke gulam ko changa kare.

4 Aur unhon ne Yisu' ke pas ake, us ki bari minnat karke kaha, ki Wuh is laiq hai ki tu us par yih ihsan kare.

5 Kyunki wuh hamari qaum ko piyar karta hai, aur hamare liye ek 'ibadatkhana banaya hai.

6 Tab Yisu un ke sath chala. Aur jab wuh us ke ghar se dur na tha, subadar ne doston se us pas kahla bheja, ki Ai Khudawand, taklif na kar: kyunki main is laiq nahin, ki tu meri chhat tale awe.

7 Isi sabab main ne apne tain bhi is laig na jana, ki tere pas aun; sirf kah de, to mera chhokra changa hoga.

8 Kyunki main bhi dusre ke ikhtiyar men hun, aur sipahi mere hukm men hain: jab ek ko kahta hun, Ja, wuh jata hai; aur dusre ko A, wuh ata hai; aur apne gulam ko, ki Yih kar, wuh karta hai.

9 Yisu ne yih sunkar, taajjub kiya, aur phirke, un logon se jo us ke pichhe ate the kaha, Main tum se kahta hun, ki Aisa bara iman Israel men bhi na paya.

10 Aur we, jo bheje gae the, jab ghar men phir ae, to us bimar gulam ko changa paya.

11 Aur dusre din aisa hua, ki wuh Nain nam shahr ko rawana hua; aur us ke bahut se shagird aur bari bhir us ke sath thi.

12 Jad wuh us shahr ke phatak ke nazdik pahuncha, to dekho, ki ek murde ko bahar le jate the, jo apni ma ka, ki bewa thi, iklauta beta tha: anr shahr ke bahut se log us ke sath the.

13 Aur us ko dekhke Khudawand ko us par rahm aya, aur use kaha, Mat ro.

14 Aur pas ake, tabut ko chhua, aur uthanewale thahar gae. Tab us ne kaha, Ai jawan, main tujh se kahta hun, Uth.

15 Aur wuh murda uth baitha, aur bolne laga. Aur us ne use us ki ma ko sompa.

16 Aur sab dar gae, aur Khuda ki tarif karke bole, ki Bara, nabi ham men utha; aur Khuda ne apne logon par nazar ki.

17 Aur us ki yih bat sare Yahudiya, aur tamam aspas ke mulk men phaili.

18 Aur Yuhanna ke shagirdon ne use in sab baton ki khabar di.

19 Aur Yuhanna ne apne shagirdon men se do ko bulakar, Yisu ke pas kahla bheja, ki Kya jo anewala tha tu hi hai? ya ham dusre ki rah taken?

20 Un mardon ne us pas jake kaha, ki Yuhanna baptisma denewale ne ham se tere pas kahla bheja, ki Wuh, jo anewala tha, tu hi hai? ya ham dusre ki rah taken ?

21 Us ne, usi ghari, bahuton ko bimarion aur balaon aur badruhon se changa kiya; aur bahut se andhon ko ankh di.

22 Aur Yisu ne jawab men un se kaha, ki jake, jo tum ne dekha, aur suna, Yuhanna se kaho, ki Andhe dekhte hain, langre chalte hain, korhi change hote hain, bahre sunte hain, murde jilae jate hain, garibon ko khushkhabari sunai jati hai.

23 Aur mubarak wuh hai, jo mujh se thokar na khae.

24 Jab we, jinhen Yuhanna ne bheja tha, gae, tab Yisa Yuhanna ki babat logon se kahne laga, ki Tum jangal men kya dekhne gae? kya ek sarkanda, jo hawa se hilta hai?

25 Phir tum kya dekhne gae? kya ek mard, jo mulaim kapre pahine hai? Dekho, we, jo 'umda poshak pahinte, aur 'aish men guzran karte, badshahon ke mahallon men hain.

26 Phir tum kya dekhne gae? kya Ek nabi? Han, main tum se kahta hun, balki nabi se bara.

27 Yih wuhi hai, jis ki babat likha hai, ki Dekh, main apne rasul ko tere age bhejta hun, jo teri rah ko tere age durust karega.

28 Kyunki main tum se kahta hun, ki Un men se jo 'auraton se paida hue, Yuhanna baptisma denewale se koi nabi bara nahin: lekin jo Khuda ki badsbahat men chhota hai, us se bara hai.

29 Aur sab logon ne sunke, aur mahsul lenewalon ne Khudu ko sach manke, Yuhanna se baptisma liya.

30 Par Farision, aur shariat sikhlanewalon ne, apni nisbat Khuda ke irade ko nachiz janke, us se baptisma na liya.

31 Aur Khudawand ne kaha, Pas is zamana ke logon ko kis se nisbat dun, aur kis ki manind kahun?

32 We un larkon ki manind hain, jo bazar men baithke ek dusre ko pukarkar kahte, ki Ham ne tumhare liye bansli bajai, aur tum na nache; aur ham ne tumhare liye matam kiya, par tum na roe.

33 Kyunki Yuhanna baptisma denewala aya, jo na roti khata, aur na mai pita tha: aur tum kahte ho, Us par ek shaitan hai.

34 Ibn i Adam aya. jo khata pita hai; aur tum kahte ho, ki Dekho, ek bara khau aur maikhor, aur mahsul lenewalon aur gunahgaron ka dost!

35 Par hikmat apne sab larkon se tasdiq pati.

36 Phir ek Farisi ne us se 'arz ki, ki mere sath kha. Aur wuh Farisi ke ghar jake, khane baitha.

37 Aur dekho, us shahr men ek 'aurat ne, jo gunahgar thi, jab jana ki wuh Farisi ke ghar khane baitha hai, sang i marmar ke 'itrdan men 'itr lai.

38 Aur wuh pichhe paon ke pas khari thi, aur ro roke, ansu se us ke panw dhone lagi, aur apne sir ke balon se ponchhke, us ke paon ko chuma, aur 'itr mala.

39 Aur us Farisi ne, jis ne us ki dawat ki thi, yih dekhkar, dil men kaha, ki Agar yih nabi hota, to janta, ki yih 'aurat, jo use chhuti hai, kaun aur kaisi hai: kyunki gunahgar hai.

40 Yisu ne use jawab men kaha, ki Ai Shamaun main, tujh se kuchh kaha chahta hun. Us ne kaha, Ai ustad, kah.

41 Ek shakhs ke do qarzdar the: ek pan sau dinar ka, dusra pachas ka.

42 Par jab un ko ada karne ka maqdur na tha, donon ko bakhsh diya. So kah, un men se kaun us ko ziyada piyar karega?

43 Shamaun ne jawab men kaha, Meri danist men wuh, jise us ne ziyada bakhsha. Tab us ne use kaha, Tu ne thik kaha.

44 Aur us 'aurat ki taraf mutawajjih hoke, Shamaun se kaha, Tu is 'aurat ko dekhta hai? main tere ghar aya, tu ne mujhe panw dhone ko pani na diya: par is ne mere panw ansuon se dhoe, aur apne sir ke balon se ponchhe.

45 Tu ne mujh ko na chuma: par is ne, jab se main aya, mere panw chumna na chhora.

46 Tu ne mere sir par tel na mala: par is ne mere panw par 'itr mala.

47 Is liye main kahta hun, ki Us ke gunah jo bahut hain, muaf hue; kyunki us ne bahut piyar kiya; par jis ke thore muaf hue, wuh thora piyar karta.

48 Aur us 'aurat se kaha, Tere gunah muaf hue.

49 Tad we, jo us ke sath khane baithe the, dil men kahne lage, ki Yih kaun hai, jo gunah bhi muaf karta hai?

50 Par us ne 'aurat ko kaha, Tere iman ne tujhe bachaya; salamat chali ja.

The King James Version 2023 Edition New Testament is now complete and in print format here.

Internal Links

Old Testament - New Testament KJV 1900

New Testament KJV 2016

Scrivener's 1894 Textus Receptus

2016 Urdu New Testament (TR Based)

Russian Synodal Version (TR Based)

Reina Valera Gómez Spanish (TR Based)

Marginal Notes in the 1611 Authorized Version

Ephesians 3:9

Why We Should Not Passover Easter 1, 2, & 3

Will Kinney

List of TR/KJV based foreign bibles

List of New Testament minuscules

List of New Testament lectionaries

List of New Testament Papyri

1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17 · 18 · 19 · 20 · 21 · 22 · 23 · 24 · 25 · 26 · 27 · 28 · 29 · 30 · 31 · 32 · 33 · 34 · 35 · 36 · 37 · 38 · 39 · 40 · 41 · 42 · 43 · 44 · 45 · 46 · 47 · 48 · 49 · 50 · 51 · 52 · 53 · 54 · 55 · 56 · 57 · 58 · 59 · 60 · 61 · 62 · 63 · 64 · 65 · 66 · 67 · 68 · 69 · 70 · 71 · 72 · 73 · 74 · 75 · 76 · 77 · 78 · 79 · 80 · 81 · 82 · 83 · 84 · 85 · 86 · 87 · 88 · 89 · 90 · 91 · 92 · 93 · 94 · 95 · 96 · 97 · 98 · 99 · 100 · 101 · 102 · 103 · 104 · 105 · 106 · 107 · 108 · 109 · 110 · 111 · 112 · 113 · 114 · 115 · 116 · 117 · 118 · 119 · 120 · 121 · 122 · 123 · 124 · 125 · 126 · 127 · 128 · 129 · 130 · 131 · 132 · 133 · 134 · 135 · 136 · 137 · 138 · 139 · 140 ·