Luke 6 Urdu Hindustani Bible 1878

From Textus Receptus

(Difference between revisions)

Jump to: navigation, search

Current revision

LUQA KI INJIL.

6 BÁB

1 Aur dusre bare sabt ko yun hua, ki jad wuh kheton ke bich se jata tha, us ke shagird balen torkar, aur hathon se malkar, khane lage.

2 Tab baze Farision ne unhen kaha. Tum kyun wuh karte ho, jo sabt ko karna rawa nahin?

3 Yisu ne unhen jawab men kaha, Kya tum ne yih nahin parha, jo Daud ne kiya, jab wuh aur us ke sathi bhukhe the.

4 Wuh kyunkar Khuda ke, ghar men gaya, aur nazr ki rotian, jo kahinon ke siwa, dusre ko khana rawa na tha, lekar khain, aur apne sathion ko bhi din?

5 Phir us ne unhen kaha, ki Ibn i Adam sabt ka bhi Khudawand hai.

6 Aur dusre sabt ko bhi yun hua, ki wuh 'ibadatkhane men jake talim dene laga: aur wahan ek admi tha, jis ka dahna hath sukh gaya tha.

7 Tab Faqih o Farisi us ki tak men lage, ki shayad wuh sabt ke din changa kare, to us par faryad karen.

8 Par us ne un ke khiyalon ko jankar, us admi se, jis ka hath sukha tha, kaha, ki Uth, aur bich men khara ho. Wuh uth khara hua.

9 Tab Yisu ne unhen kaha, Main tum se ek bat puchhta, hun; ki Sabt ke din kya karna rawa hai? bhala karna ki bura? jan bachana, ki jan marna?

10 Aur un sab ki taraf dekhke us admi' se kaha, Apna hath phaila. Us ne aisa kiya; aur us ka hath dusre ki manind changa ho gaya.

11 Tab we sab diwanon ki manind hoke apas men kahne lage, ki Ham Yisu' ke sath kya karen?

12 Aur un dinon men aisa hua, ki wuh pahar par dua mangne ko gaya, aur Khuda se dua mangne men rat bitai.

13 Aur jab din hua, us ne apne shagirdon ko bulake, un men se barah ko chuna, aur un ka nam rasul rakha.

14 Yane Shamaun, (jis ka nam Patras bhi rakha) aur us ke bhai Andryas, Yaqub aur Yuhanna, Failbus o Barthulama.

15 Mati o Thuma, Halfa ke bete Yaqub, aur Shamaun jo Zilotis kahlata tha.

16 Yaqub ke bhai Yahudah, aur Yahudah Iskaryuti ko, jo us ka pakarwanewala hua.

17 Aur un ke sath utarke maidan men khara hua; wahan us ke shagirdon ki jamaat thi, aur logon ki bari bhir, jo sare Yahudiya aur Yarusalam, aur Sur o Saida ke samundar ke kinare se us pas ai thi, ki us ki sunen, aur apni bimarion se change hon.

18 Aur we bhi jo napak ruhon se dukh pate the, ae, aur change hue.

19 Aur sab log chahte the, ki use chhuwen: kyunki quwat us se nikalti, aur sab ko changa karti thi.

20 Phir us ne apne shagirdon par nazar karke kaka, ki Mubarak ho tum, jo garib ho: kyunki Khuda ki badshahat tumhari hai.

21 Mubarak ho tum, jo ab bhukhe ho: kyunki asuda hoge. Mubarak ho tum, jo ab rote ho: kyunki hansoge.

22 Mubarak ho tum, jab Ibn i Adam ke liye, log tum se kina rakhen, aur tumhen nikal den, aur ruswa karen, aur tumhara nam badi men nikalen.

23 Us din khush raho, aur khushi se uchhlo: is liye ki dekho, asman par tumhara bara badla hai: kyunki un ke bapdadon ne nabion ke sath aisa hi kiya.

24 Magar afsos tum par, jo daulatmand ho, kyunki tum apni tasalli pa chuke.

25 Afsos tum par, jo asuda ho! kyunki bhukhe hoge. Afsos tum par, jo ab hanste ho! kyunki gam karoge, aur rooge.

26 Afsos tum par, jab log tumhen bhala kahen! kyunki un ke bapdade jhuthe nabion se aisa hi suluk karte the.

27 Par tumhen jo sunte ho, main kahta hun, ki Apne dushmanon ko piyar karo; jo tum se , kina rakhen, un ka bhala karo.

28 Jo tumhen lanat karen, un ke liye barakat chaho: jo tumhen satawen, un ke liye dua mango.

29 Jo tere ek gal par mare dusra bhi pher de; aur jo koi teri qaba lewe, kurta lene se bhi mana na kar.

30 Jo koi tujh se kuchh mange, use de; aur us se, jo tera mil le, phir mat mang.

31 Aur jaisa tum chahte ho, ki log tum se karen, tum bhi un se waisa hi karo.

32 Aur agar tum unhen, jo tumhen piyar karte hain, piyar karo, to tumhara kya ihsan hai? kyunki gunahgar bhi apne piyar karnewalon ko piyar karte hain.

33 Aur agar tum un ka, jo tumhara bhala karen, bhala, karo, to tumhara kya ihsan hai? ki gunahgar bhi yih karte hain.

34 Aur agar tum unhen, jin se phir pane ki ummed hai, qarz do; to tumhara kya ihsan hai? kyunki gunahgar bhi gunahgaron ko qarz dete hain, taki us ka badla pawen.

35 Pas apne dushmanon ko piyar karo, aur bhala karo, aur phir pane ki ummed na rakhke qarz do, to tumhara badla bara hoga, aur tum Khuda Taala ke farzand hoge: kyunki wuh nashukron aur shariron par bhi mihrban hai.

36 Pas, jaisa tumhara Bap rahim hai, tum rahim ho.

37 Aib na lagao, to tum par bhi 'aib lagaya na jaega: aur mujrim na thahrao, to tum mujrim na thahrae jaoge: muaf karo, to tum bhi muaf kiye jaoge.

38 Do, to tumhen bhi diya jaega; achehha napua dab dab, aur hila hilake, munhamunh girta hua bharke tumhari god men denge. Kyunki jis paimane se tum napte ho, usi se tumhare liye bhi napa jaega.

39 Phir us ne un se ek tamsil kahi, ki Kya andka andhe ko rah dikha sakta hai? kya we donon garhe men na girenge?

40 Shagird apne ustad se bara nahin: balki jab taiyar hua, apne ustad sa hoga.

41 Aur us tinke ko, jo tere bhai ki ankh men hai, kyun dekhta hai, par us kandi par, jo teri ankh men hai, nahin khiyal karta?

42 Ya tu kyunkar apne bhai ko kah sakta, ki Ai bhai, rah, yih tinka, jo ten ankh men hai, nikal dun, par us kandi ko, jo teri ankh men hai, nahin dekhta? Ai riyakar! pahle us kandi ko apni ankh men se nikal, tab tu us tinke ko, jo tere bhai ki ankh men hai, achchhi tarah dekhke nikal sakega.

43 Kyunki achchhe darakht men bura phal nahin lagta; aur na bure darakht men achchha phal lagta.

44 Pas har ek darakht apne phal se pahchana jata hai. Is liye ki log kanton se anjir nahin torte, aur na bhatkataiya se angur.

45 Achchha admi apne dil ke achchhe khazane se achchhe chizen nikalta hai; aur bura admi apne dil ke bure khazane se buri chizen bahar lata: kyunki jo dil men bhara hai, so hi munh par ata hai.

46 Aur tum kyun mujhe Khudawahd Khudawand kahte ho, aur jo main, kahta hun nahin karte?

47 Jo koi mere pas ata hai, aur meri baten sunkar un par 'amal karta hai, main tumhen batata hun, ki wuh kis ki manind hai.

48 Wuh us shakhs ki manind hai, jis ne ghar banate hue gahra khodke patthar par neo "dali: jab barh ai, to dhar us ghar par zor se giri, par use hila na saki: kyunki us ki new chatan par thi.

49 Aur wuh jo sunkar 'amal men nahin lata, us shakhs ki manind hai, jis ne zamin par benew ghar banaya; aur dhar us par zor se giri, aur jhat gir para; wuh ghar bara kharaba hua.

The King James Version 2023 Edition New Testament is now complete and in print format here.

Internal Links

Old Testament - New Testament KJV 1900

New Testament KJV 2016

Scrivener's 1894 Textus Receptus

2016 Urdu New Testament (TR Based)

Russian Synodal Version (TR Based)

Reina Valera Gómez Spanish (TR Based)

Marginal Notes in the 1611 Authorized Version

Ephesians 3:9

Why We Should Not Passover Easter 1, 2, & 3

Will Kinney

List of TR/KJV based foreign bibles

List of New Testament minuscules

List of New Testament lectionaries

List of New Testament Papyri

1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17 · 18 · 19 · 20 · 21 · 22 · 23 · 24 · 25 · 26 · 27 · 28 · 29 · 30 · 31 · 32 · 33 · 34 · 35 · 36 · 37 · 38 · 39 · 40 · 41 · 42 · 43 · 44 · 45 · 46 · 47 · 48 · 49 · 50 · 51 · 52 · 53 · 54 · 55 · 56 · 57 · 58 · 59 · 60 · 61 · 62 · 63 · 64 · 65 · 66 · 67 · 68 · 69 · 70 · 71 · 72 · 73 · 74 · 75 · 76 · 77 · 78 · 79 · 80 · 81 · 82 · 83 · 84 · 85 · 86 · 87 · 88 · 89 · 90 · 91 · 92 · 93 · 94 · 95 · 96 · 97 · 98 · 99 · 100 · 101 · 102 · 103 · 104 · 105 · 106 · 107 · 108 · 109 · 110 · 111 · 112 · 113 · 114 · 115 · 116 · 117 · 118 · 119 · 120 · 121 · 122 · 123 · 124 · 125 · 126 · 127 · 128 · 129 · 130 · 131 · 132 · 133 · 134 · 135 · 136 · 137 · 138 · 139 · 140 ·