Matyu 1 Pidgin NT: King Jems Nupela Testamen (1996)

From Textus Receptus

• 1 Dispela em i buk bilong ol man i wanlain bilong Jisas Kraist. Em i pikinini man bilong Devit, na Devit em i pikinini man bilong Ebraham.

• 2 Ebraham em i papa bilong Aisak, na Aisak em i papa bilong Jekop, na Jekop em i papa bilong Juda wantaim ol brata bilong en.

• 3 Na Juda em i papa bilong Peres wantaim Sira. Mama bilang tupela i Tema. Na Peres em i papa bilong Hesron na Hesron em i papa bilong Eram.

• 4 Na Eram em i papa bilong Aminadap. Na Aminadap em i papa bilong Nason. Na Nason em i papa bilong Salmon.

• 5 Na Salmon em i papa bilong Boas. Mama bilang en i Rehap. Na Boas em i papa bilong Obet. Mama bilang en i Rut. Na Obet em i papa bilong Jesi.

• 6 Na Jesi em i papa bilong king Devit. Na King Devit em i papa bilong Solomon. Mama bilang en bipa em i meri bilong Yuraia.

• 7 Na Solomon em i papa bilong Riaboam. Na Riaboam em i papa bilong Abaisa. Na Abaisa em i papa bilong Esa.

• 8 Na Esa em i papa bilong Jehosafat. Na Jehosafat em i papa bilong Joram. Na Joram em i papa bilong Asaia.

• 9 Na Asaia em i papa bilong Jotam. Na Jotam em i papa bilong Ehas. Na Ehas em i papa bilong Hesekaia.

• 10 Na Hesekaia em i papa bilong Manasa. Na Manasa em i papa bilong Emon. Na Emon em i papa bilong Josaia.

• 11 Na Josaia em i papa bilong Jekonaia wantaim ol brata bilong en. Dispela i kamap klostu long taim ol birua i karim ol lain Isrel i ga kalabus long Babilon.

• 12 Na bihain long taim ol birua i bringim ol long Babilon, orait Jekonaia em i papa bilong Sealtiel. Na Sealtiel em i papa bilong Serababel.

• 13 Na Serababel em i papa bilong Abaiat. Na Abaiat em i papa bilong Elaiakim. Na Elaiakim em i papa bilong Eso.

• 14 Na Eso em i papa bilong Sedok. Na Sedok em i papa bilong Ekim. Na Ekim em i papa bilong Elaiat.

• 15 Na Elaiat em i papa bilong Eleasa. Na Eleasa em i papa bilong Matan. Na Matan em i papa bilong Jekop.

• 16 Na Jekop em i papa bilong Josep, em i man bilong Maria. Na Maria i bin karim Jisas, ol i save kolim Em Kraist.

• 17 Olsem olgeta lain i stat long Ebraham i kam inap long Devit, em i 14-pela lain. Na olgeta lain long Devit i kam inap long taim ol birua i karim ol i go kalabus long Babilon, em i 14-pela lain. Na long taim ol birua i karim ol i go kalabus long Babilon i kam inap long taim Kraist i kamap em i 14-pela lain.

• 18 Nau stori bilong Jisas Kraist i kamap em i olsem. Taim ol i makim Maria mama bilong Em long maritim Josep, tasol pastaim long tupela i pas wantaim, ol i lukim Maria i gat bel long wok bilong Holi Spirit.

• 19 Tasol man bilong en Josep, em i stretpela man, na em i no laik givim sem long Maria long ai bilong ol manmeri. Olsem na Josep i gat tingting long lusim em hait.

• 20 Na taim em i tingting long ol dispela samting, harim, wanpela ensel bilong Bikpela i kam long em long driman na tok, Josep, pikinini man bilong Devit, yu no ken pret long kisim meri bilong yu, Maria, i kam long yu. Long wanem dispela pikinini em i bin kisim long bel bilong en, Em i bin kisim long Holi Spirit.

• 21 Na bai em i karim wanpela pikinini man, na yu mas kolim nem bilong En JISAS. Long wanem bai Em i kisim bek ol manmeri bilong En long ol sin bilong ol.

• 22 Orait dispel a olgeta samting i bin kamap bilong inapim ol tok long Bikpela i bin kamap long maus bilong dispel a profet. Em i tok,

• 23 Harim, wanpela meri i no bin slip yet wantaim man, bai em i gat bel na karim wanpela pikinini man. Na bai ol i kolim nem bilong En Emanyuel. Yumi tanim dispela nem olsem, God i stap wantaim yumi.

• 24 Orait Josep i kirap long slip i dai na em i mekim olsem ensel bilong Bikpela i bin tokim em. Na em i kisim meri bilong en i kam long em.

• 25 Na em i no slip wantaim em i go inap long taim em i karim namba wan pikinini man bilong en. Na Josep i kolim nem bilong Em, JISAS.