https://textus-receptus.com/index.php?action=history&feed=atom&title=Zephaniah_3_Urdu 2026-05-22T10:10:41Z Revision history for this page on the wiki MediaWiki 1.45.3 https://textus-receptus.com/index.php?title=Zephaniah_3_Urdu&diff=356304&oldid=prev 2020-10-21T16:23:54Z

<p>New page: {{Books of the Old Testament Urdu}} 3 صفنیاہ &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt; ۱ اُس سر کش و ناپاک و ظالِم...</p> <p><b>New page</b></p><div>{{Books of the Old Testament Urdu}} 3 صفنیاہ<br /> &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt;<br /> <br /> ۱<br /> <br /> اُس سر کش و ناپاک و ظالِم شہر پر افسوس!۔<br /> <br /> ۲<br /> <br /> اُس نے کلام کو نہ سُنا۔ وہ تربِیّت پزِیر نہ ہُئوا۔ اُس نے خُداوند پر توکُّل نہ کِیا اور اپنے خُدا کی قُربت کی آرزُو نہ کی۔<br /> <br /> ۳<br /> <br /> اُس کے اُمرا اُس میں گرجنے والے بَبر ہیں۔ اُس کے قاضی بھیڑئے ہیں جو شام کو نِکلتے ہیں اور صُبح تک کُچھ نہیں چھوڑتے۔<br /> <br /> ۴<br /> <br /> اُس کے نبی لاف زن اور دغاباز ہیں۔ اُس کے کاہِنوں نے پاک کو نا پاک ٹھہرایا اور اُنہوں نے شرِیعت کو مروڑا ہے۔<br /> <br /> ۵<br /> <br /> خُداوند جو صادِق ہے اُس کے اندر ہے۔ وہ بے اِنصافی نہ کرے گا۔ وہ ہر صُبح بِلاناغہ اپنی عدالت ظاہِر کرتا ہے مگر بے اِنصاف آدمی شرم کو نہیں جانتا۔<br /> <br /> ۶<br /> <br /> مَیں نے قَوموں کو کاٹ ڈالا۔ اُن کے بُرج برباد کِئے گئے۔ مَیں نے اُن کے کُوچوں کو وِیران کِیا یہاں تک کہ اُن میں کوئی نہیں چلتا۔ اُن کے شہر اُجاڑ ہُوئے اور اُن میں کوئی اِنسان نہیں۔ کوئی باشِندہ نہیں۔<br /> <br /> ۷<br /> <br /> مَیں نے کہا کہ فقط مُجھ سے ڈر اور ترِبیّت پزِیر ہو تا کہ اُس کی بستی کاٹی نہ جائے اُس سب کے مُطابِق جو مَیں نے اُس کے حق میں ٹھہرایا تھا لیکن اُنہوں نے عمداََ اپنی روِش کو بِگاڑا۔<br /> <br /> ۸<br /> <br /> پس خُداند فرماتا ہے میرے مُنتظِر رہو جب کہ مَیں لُوٹ کے لِئے نہ اُٹھوں کیونکہ مَیں نے ٹھان لِیا ہے کہ قَوموں کو جمع کرُوں اور مُملکتوں کو اِکٹّھا کرُوں تاکہ اپنے غضب یعنی تمام قہرِ شدِید کو اُن پر نازِل کرُوں کیونکہ میری غَیرت کی آگ ساری زمِین کو کھا جائے گی۔<br /> <br /> ۹<br /> <br /> اور مَیں اُس وقت لوگوں کے ہونٹ پاک کر دُوں گا تاکہ وہ سب خُداوند سے دُعا کریں اور ایک دِل ہو کر اُس کی عِبادت کریں۔<br /> <br /> ۱۰<br /> <br /> کُؔوش کی نہروں کے پار سے میرے عابِد یعنی میری پراگندہ قَوم میرے لِئے ہدیہ لائے گی۔<br /> <br /> ۱۱<br /> <br /> اُسی روز تُو اپنے سب اعمال کے سبب سے جِن سے تُو میری گُہنگار ہُوئی شرمِندہ نہ ہوگئی کیونکہ مَیں اُس وقت تیرے درمِیان سے تیرے مُتکِبّر لوگوں کو نِکال دُوں گا اور پھِر تُو میرے کوہِ مُقدّس پر تکبُّر نہ کرے گی۔<br /> <br /> ۱۲<br /> <br /> اور مَیں تُجھ میں ایک مظلُوم اور مِسکِین بِقیّہ چھوڑ دُوں گا اور وہ خُداوند کے نام پر توکُّل کریں گے۔<br /> <br /> ۱۳<br /> <br /> اِسرائؔیل کے باقی لوگ نہ بدی کریں گے نہ جُھوٹ بولیں گے اور نہ اُن کے مُنہ میں دغا کی باتیں پائی جائیں گی بلکہ وہ کھائیں گے اور لیٹ رہیں گے اور کوئی اُن کو نہ ڈرائے گا۔<br /> <br /> ۱۴<br /> <br /> اَے بِنتِ صِیُّؔون نغمہ سرائی کر! اَے اِسرائؔیل! للکار۔ اَے دُخترِ یروشلِؔیم! پُورے دِل سے خُوشی منا اور شادمان ہو۔<br /> <br /> ۱۵<br /> <br /> خُداوند نے تیری سزا کو دُور کر دِیا۔ اُس نے تیرے دُشمنوں کو نِکال دِیا۔ خُداوند اِسرائؔیل کا بادشاہ تیرے اندر ہے۔ تُو پھِر مُصِیبت کو نہ دیکھے گی۔<br /> <br /> ۱۶<br /> <br /> اُس روز یروشلِؔیم سے کہا جائے گا ہِراسان نہ ہو! اَے صِیُّؔون تیرے ہاتھ ڈِھیلے نہ ہوں۔<br /> <br /> ۱۷<br /> <br /> خُداوند تیرا خُدا جو تُجھ میں ہے قادِرہے۔ وُہی بچا لے گا۔ وہ تیرے سبب سے شادمان ہو کر خُوشی کرے گا۔ وہ اپنی مُحبّت میں مسرُور رہے گا۔ وہ گاتے ہُوئے تیرے لِئے شادمانی کرے گا۔<br /> <br /> ۱۸<br /> <br /> مَیں تیرے اُن لوگوں کو جوعِیدوں سے محرُوم ہونے کے سبب غمگِین اور ملامت سے زیر بار ہیں جمع کرُوں گا۔<br /> <br /> ۱۹<br /> <br /> دیکھ مَیں اُس وقت تیرے سب ستانے والوں کو سزا دُوں گا اور لنگڑوں کو رہائی دُوں گا اور جو ہانک دِئے گئے اُن کو اِکٹّھا کرُوں گا اور جو تمام جہان میں رُسوا ہُوئے اُن کو سِتُودہ اور نامور کرُوں گا۔<br /> <br /> ۲۰<br /> <br /> اُس وقت مَیں تُم کو جمع کر کے مُلک میں لاؤُں گا کیونکہ جب تُمہاری جِین حیات ہی میں تُمہاری اسِیری کو مَوقوف کرُوں گا تو تُم کو زمِین کی سب قَوموں کے درمِیان نامور اور سِتُودہ کرُوں گا خُداوند فرماتا ہے۔ &lt;/span&gt;&lt;/div&gt;&lt;/big&gt;<br /> <br /> {{Donate}}</div>

Erasmus