https://textus-receptus.com/index.php?action=history&feed=atom&title=Romans_2_Urdu_Hindustani_Bible_1878 2026-05-17T06:48:13Z Revision history for this page on the wiki MediaWiki 1.45.3 https://textus-receptus.com/index.php?title=Romans_2_Urdu_Hindustani_Bible_1878&diff=366339&oldid=prev 2023-10-05T13:26:40Z

<p>New page: {{Books of the Urdu Hindustani 1878 New Testament}} PULUS Ka KHATT RUMION KO. 2 BÁB * 1 Pas, ai admi, koi kyun na ho, jo tu &#039;aib lagata, tujh ko kuchh &#039;uzr nahin; kyunki jis bat men t...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> PULUS Ka KHATT RUMION KO.<br /> <br /> 2 BÁB<br /> <br /> * 1 Pas, ai admi, koi kyun na ho, jo tu &#039;aib lagata, tujh ko kuchh &#039;uzr nahin; kyunki jis bat men tu dusre par &#039;aib lagata, ap ko gunahgar thahrata hai; ki tu jo &#039;aib lagata, khud wuhi kam karta hai.<br /> <br /> * 2 Lekin ham jante hain, ki aise kam karnewalon par Khuda ki taraf se saza ka hukm durust hai.<br /> <br /> * 3 Ai insan, tu jo aise kam karnewalon par &#039;aib lagata, aur khud wuhi karta, kya yih khiyal karta hai, ki Khuda ki &#039;adalat se bach niklega?<br /> <br /> * 4 Ya tu us ki kamal mihrbani, aur bardasht, aur muhlat ko haqir janta; aur nahin samajhta, ki Khuda ki mihrbani is hi liye hai, ki tu tauba kare?<br /> <br /> * 5 Balki tu apne sakht aur be-tauba kiye dil se us din ki khatir, jis men qahr aur Khuda ki &#039;adalat i haqq zahir hogi, apne liye gazab jama karta hai.<br /> <br /> * 6 Wuh har ek ko us ke kamon ke muwafiq badla dega.<br /> <br /> * 7 Un ko, jo nek kam par qaim rahke buzurgi aur &#039;izzat aur baqa ke talib hain, hamesha ki zindagi dega.<br /> <br /> * 8 Magar un par jo fasadi hain, aur sachai ko nahin mante, balki na-rasti ke tabi bain, qahr aur gazab hoga.<br /> <br /> * 9 Har ek admi ki jan, jo burai karta, hai, ranj aur &#039;azab men paregi, pahle Yahudi ki, phir Yunam ki.<br /> <br /> * 10 Aur har ek ko jo bhalai karta hai, buzargi aur &#039;izzat aur salamati milegi, pahle Yahudi ko, phir Yunani ko.<br /> <br /> * 11 Kyunki Khuda ke huzur kisi ki tarafdari nahin hoti.<br /> <br /> * 12 Is liye ki jin ko shariat nahin mili, aur unhon ne gunah kiye, we bagair shariat ke halak honge; aur jinhon ne shariat pake gunah kiye, un ki saza shariat ke muwafiq hogi.<br /> <br /> * 13 (Kyunki Khuda ke nazdik shariat ke sunnewale rastbaz na thahrenge, balki shariat par &#039;amal karnewale.<br /> <br /> * 14 Is liye jab gair qaumen, jinhen shariat na mili, agar tabiat se shariat ke kam karti hain, so we shariat na pake apne liye ap hi apni shariat hain.<br /> <br /> * 15 We shariat ka khulasa apne dilon men likha hua dikhate hain ; un ki tamiz bhi gawahi deti, aur un ke khiyal apas men ilzam dete, ya &#039;uzr karte hain).<br /> <br /> * 16 Us din men jab Khuda meri Injil ke mutabiq Yisu&#039; Masih ki marifat admion ki poshida baton ka insaf karega.<br /> <br /> * 17 Dekh, tu Yahudi kahlata, aur shariat par takiya karta, aur Khuda par fakhr karta hai.<br /> <br /> * 18 Aur us ki marzi janta, aur shariat ki talim pake mukhtalif chizon men imtiyaz kar janta.<br /> <br /> * 19 Aur ap par iatiqad rakhta hai, ki main andhon ka rah-dikhanewala, aur un ki jo andhere men hain roshni hun.<br /> <br /> * 20 Aur nadanon ka sikhlanewala, aur larkon ka ustad, aur ki wuh khulasa, &#039;ilm o sachai ka jo shariat men hai, mere pas maujud hai.<br /> <br /> * 21 Pas, kya tu, jo auron ko sikhlata hai, ap ko nahin sikhata? tu jo waz karta hai, ki chori na karna, ap hi chori karta?<br /> <br /> * 22 Tu jo kahta ki zina na karna, kya ap hi zina karta,? tu jo buton se nafrat rakhta, kya ap hi haikal ko lutta hai?<br /> <br /> * 23 Tu jo shariat par fakhr karta hai, shariat ke &#039;udul karne se Khuda ke nam ki be-izzati karta?<br /> <br /> * 24 Chunanchi likha hai, ki tumhare sabab gair qaumon men Khuda ke nam ki takfir ki jati hai.<br /> <br /> * 25 Khatna faidamand to hai, agar tu shariat par &#039;amal kare; lekin jo tu shariat ke barkhilaf chalnewala hua, to tera khatna na-makhtuni thahra.<br /> <br /> * 26 Pas agar na-makhtun shariat ke hukmon par &#039;amal karen, to kya unki na-makhtuni khatna na gini jaegi?<br /> <br /> * 27 Aur agar zati na-makhtun shariat ko pura kare, to kya tujhe, jo bawujud kitab aur khatne ke shariat se barkhilaf chalta, hai, gunahgar na thahraega? <br /> <br /> * 28 Kyunki wuh Yahudi nahin, jo zahiri men hai; aur wuh khatna nahin, jo zahiri jism men hai.<br /> <br /> * 29 Balki Yahudi wuhi, jo batin se ho; aur khatna wuhi, jo dil aur ruh se ho, na ki lafzi; jis ki tarif admion se nahin, &#039;balki Khuda ki taraf se ho.<br /> <br /> {{Donate}}</div>

Erasmus