https://textus-receptus.com/index.php?action=history&feed=atom&title=Proverbs_20_Urdu 2026-05-17T12:04:00Z Revision history for this page on the wiki MediaWiki 1.45.3 https://textus-receptus.com/index.php?title=Proverbs_20_Urdu&diff=336734&oldid=prev 2018-03-07T07:50:40Z

<p>New page: {{Books of the Old Testament Urdu}} 20 اِمثال &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt; ۱ مَے مسخرہ اور شراب ہنگا...</p> <p><b>New page</b></p><div>{{Books of the Old Testament Urdu}} 20 اِمثال<br /> &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt;<br /> <br /> ۱<br /> <br /> مَے مسخرہ اور شراب ہنگامہ کرنے والی ہے اور جو کوئی اِن سے فریب کھاتا ہے دانا نہیں۔<br /> <br /> ۲<br /> <br /> بادشاہ کا رُعب شیر کی گرج کی مانِند ہے۔ جو کوئی اُسے غُصہ دِلاتا ہے اپنی جان سے بدی کرتا ہے۔ <br /> <br /> ۳<br /> <br /> جھگڑے سے الگ رہنے میں آدمی کی عِزّت ہے لیکن ہر ایک احمق جھگڑتا رہتا ہے <br /> <br /> ۴<br /> <br /> کاہِل آدمی جاڑے کے باعِث ہل نہیں چلاتا اِسلئِے فصل کاٹنے کے وقت وہ بھِیک مانگیگا اور کُچھ نہ پائیگا۔ <br /> <br /> ۵<br /> <br /> آدمی کے دِل کی بات گہرے پانی کی مانِند ہے لیکن صاحبِ فہم آدمی اُسے کھینچ نِکالیگا۔<br /> <br /> ۶<br /> <br /> اکثر لوگ اپنا اپنا اِحسان جتاتے ہیں لیکن وفا دار آدمی کِس کو مِلیگا؟<br /> <br /> ۷<br /> <br /> راست رَو صادِق کے بعد اُسکے بیٹے مُبارک ہوتے ہیں۔ <br /> <br /> ۸<br /> <br /> بادشاہ جو تختِ عدالت پر بَیٹھتا ہے خُود دیکھ کر ہر طرح بدی کو پھٹکتا ہے۔<br /> <br /> ۹<br /> <br /> کَون کہہ سکتا ہے کہ مَیں نے اپنے دِل کو صاف کر لِیا ہے اور مَیں اپنے گُناہ سے پاک ہوگیا ہُوں؟ <br /> <br /> ۱۰<br /> <br /> دو طرح کے باٹ اور دو طرح کے پَیمانے۔ اِن دونوں سے خُداوند کو نفرت ہے۔<br /> <br /> ۱۱<br /> <br /> بچّہ بھی اپنی حرکات سے پہچانا جاتا ہے کہ اُسکے کام نیک وراست ہیں کہ نہیں۔ <br /> <br /> ۱۲<br /> <br /> سُننے والے کان اور دیکھنے والی آنکھ دونوں کو خُداوند نے بنایا ہے۔<br /> <br /> ۱۳<br /> <br /> خواب دوست نہ ہو۔ مبادا تُو کنگال ہو جائے۔ اپنی آنکھیں کھول کہ تُو روٹی سے سیر ہوگا۔<br /> <br /> ۱۴<br /> <br /> خرِیدار کہتا ہے ردّی ہے ردّی! لیکن جب چل پڑتا ہے تو فخر کرتا ہے۔ <br /> <br /> ۱۵<br /> <br /> زرومرجان کی تو کثرت ہے لیکن بیش بہا سرمایہ عِلم والے ہونٹ ہیں۔<br /> <br /> ۱۶<br /> <br /> جو بیگانہ کا ضامِن ہو اُسکے کپڑے چھِین لے اور جو اجنبی کا ضامِن ہو اُس سے کُچھ گِرَورکھ لے۔<br /> <br /> ۱۷<br /> <br /> دغا کی روٹی آدمی کو مِیٹھی لگتی ہے لیکن آخِر کو اُسکا مُنہ کنکروں سے بھرا جاتا ہے۔ <br /> <br /> ۱۸<br /> <br /> ہر ایک کام مشوَرہ سے ٹھِیک ہوتا ہے اور تُو نیک صلاح لیکر جنگ کر۔<br /> <br /> ۱۹<br /> <br /> جو کوئی لُتراپن کرتا پھِرتا ہے راز فاش کرتا ہے اِسلئِے تُو مُنہ پھَٹ سے کُچھ واسِطہ نہ رکھ۔ <br /> <br /> ۲۰<br /> <br /> جو اپنے باپ یا اپنی ماں پر لَعنت کرتا ہے اُسکا چراغ گہری تارِیکی میں بُجھایا جایئگا۔<br /> <br /> ۲۱<br /> <br /> اگرچہ اِبتدا میں میِراث یک لخت حاصِل ہو تَو بھی اُسکا انجام مُبارک نہ ہوگا۔ <br /> <br /> ۲۲<br /> <br /> تُو یہ نہ کہنا کہ مَیں بدی کا بدلہ لُونگا۔ خُداوند کی آس رکھ اور وہ تُجھے بچایئگا۔ <br /> <br /> ۲۳<br /> <br /> دو طرح کے باٹ سے خُداوند کو نفرت ہے اور دغا کے ترازُو ٹھِیک نہیں۔ <br /> <br /> ۲۴<br /> <br /> آدمی کی رفتار خُداوند کی طرف سے ہے۔ پس اِنسان اپنی راہ کو کیونکر جان سکتا ہے؟<br /> <br /> ۲۵<br /> <br /> جلد بازی سے کِسی چِیز کو مُقدّس ٹھہرانا اور مَنّت ماننے کے بعد دریافت کرنا آدمی کے لئِے پھندا ہے۔ <br /> <br /> ۲۶<br /> <br /> دانا بادشاہ شرِیروں کو پھٹکتا ہے اور اُن پر داؤنے کا پہیا پھِرواتا ہے۔<br /> <br /> ۲۷<br /> <br /> آدمی کا ضمِیر خُداوند کا چراغ ہے جو اُسکے تمام اندرُونی حال کو دریافت کرتا ہے۔<br /> <br /> ۲۸<br /> <br /> شفقت اور سچّائی بادشاہ کی نِگہبان ہیں بلکہ شفقت ہی سے اُسکا تخت قائِم رہتا ہے۔ <br /> <br /> ۲۹<br /> <br /> جوانوں کا زور اُنکی شَوکت ہے اور بُوڑھوں کے سفید بال اُنکی زِینت ہیں۔<br /> <br /> ۳۰<br /> <br /> کوڑوں کے زخم سے بدی دُور ہوتی ہے اور مار کھانے سے دِل صاف ہوتا ہے۔ &lt;/span&gt;&lt;/div&gt;&lt;/big&gt;<br /> <br /> {{Donate}}</div>

Erasmus