https://textus-receptus.com/index.php?action=history&feed=atom&title=Proverbs_19_Urdu 2026-05-17T12:04:23Z Revision history for this page on the wiki MediaWiki 1.45.3 https://textus-receptus.com/index.php?title=Proverbs_19_Urdu&diff=336733&oldid=prev 2018-03-07T07:19:52Z

<p>New page: {{Books of the Old Testament Urdu}} 19 اِمثال &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt; ۱ راست رَو مسکِین کجگو او...</p> <p><b>New page</b></p><div>{{Books of the Old Testament Urdu}} 19 اِمثال<br /> &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt;<br /> <br /> ۱<br /> <br /> راست رَو مسکِین کجگو اور احمق سے بِہتر ہے۔<br /> <br /> ۲<br /> <br /> یہ بھی اچھّا نہیں کہ رُوح عِلم سے خالی رہے۔ جو چلنے میں جلد بازی کرتا ہے بھٹک جاتا ہے۔ <br /> <br /> ۳<br /> <br /> آدمی کی حماقت اُسے گُمراہ کرتی ہے اور اُسکا دِل خُداوند سے بیزار ہوتا ہے۔ <br /> <br /> ۴<br /> <br /> دَولت بُہت سے دوست پَیدا کرتی ہے پر مِسکِین اپنے ہی دوست سے بیگانہ ہے۔<br /> <br /> ۵<br /> <br /> جُھوٹا گواہ بے سزا نہ چُھوٹیگا اور جُھوٹ بولنے والا رہائی نہ پائیگا۔<br /> <br /> ۶<br /> <br /> بُہتیرے لوگ فیّاض کی خُوشامد کرتے ہیں اور ہر ایک آدمی اِنعام دینے والے کا دوست ہے۔ <br /> <br /> ۷<br /> <br /> جب مِسکِین کے سب بھائی ہی اُس سے نفرت کرتے ہیں تو اُسکے دوست کِتنے زِیادہ اُس سے دُور بھاگینگے! وہ باتوں سے اُنکا پِیچھا کرتا ہے پر اُنکو نہیں پاتا۔<br /> <br /> ۸<br /> <br /> جو حِکمت حاصِل کرتا ہے اپنی جان کو عزِیز رکھتا ہے۔ جو فہم کی مُحافظت کرتا ہے فائدہ اُٹھایئگا۔ <br /> <br /> ۹<br /> <br /> جُھوٹا گواہ بے سزا نہ چُھوٹیگا اور جو جُھوٹ بولتا ہے فنا ہوگا۔ <br /> <br /> ۱۰<br /> <br /> جب احمق کے لئِے ناز و نعِمت زیبا نہیں تو خادِم کا شہزادوں پر حُکمران ہونا اَور بھی نامناسِب ہے۔ <br /> <br /> ۱۱<br /> <br /> آدمی کی تمیِز اُسکو قہر کرنے میں دِھیما بناتی ہے۔ اور خطا سے درگُذر کرنے میں اُسکی شان ہے۔<br /> <br /> ۱۲<br /> <br /> بادشاہ کا غضب شیر کی گرج کی مانِند ہے اور اُسکی نظرِ عنایت گھاس پر شبنم کی مانِند۔<br /> <br /> ۱۳<br /> <br /> احمق بیٹا اپنے باپ کے لئِے بلا ہے اور بیِوی کا جھگڑا رگڑا سدا کا ٹپکا۔<br /> <br /> ۱۴<br /> <br /> گھر اور مال تو باپ دادا سے میِراث میں ملتِے ہیں لیکن دانِشمند بیِوی خُداوند سے مِلتی ہے۔<br /> <br /> ۱۵<br /> <br /> کاہِلی نِیند میں غرق کر دیتی ہے اور کاہِل آدمی بُھوکا رہیگا۔ <br /> <br /> ۱۶<br /> <br /> جو فرمان بجا لاتا ہے اپنی جان کی مُحافظت کرتا ہے پر جو اپنی راہوں سے غافِل ہے مَریگا۔<br /> <br /> ۱۷<br /> <br /> جو مِسکِینوں پر رحم کرتا ہے خُداوند کو قرض دیتا ہے اور وہ اپنی نیکی کا بدلہ پایئگا۔<br /> <br /> ۱۸<br /> <br /> جب تک اُمّید ہے اپنے بیٹے کی تادِیب کئِے جا اور اُسکی بربادی پر دِل نہ لگا۔ <br /> <br /> ۱۹<br /> <br /> شدِید اُلغضب آدمی سزا پائیگا کیونکہ اگر تُو اُسے رہائی دے تو تُجھے باربار اَیسا ہی کرنا ہوگا۔ <br /> <br /> ۲۰<br /> <br /> مشوَرت کو سُن اور تربِیّت پِذیر ہو تاکہ تُوآخِرکار دانا ہو جائے۔ <br /> <br /> ۲۱<br /> <br /> آدمی کے دِل میں بُہت سے منصُوبے ہیں لیکن صِرف خُداوند کا اِرادہ ہی قائِم رہیگا۔<br /> <br /> ۲۲<br /> <br /> آدمی کی مقبُولِیت اُسکے اِحسان سے ہے اور کنگال جُھوٹے آدمی سے بِہتر ہے۔ <br /> <br /> ۲۳<br /> <br /> خُداوند کا خَوف زِندگی بخش ہے۔ اور خُدا ترس سیر ہوگا اور بدی سے محفُوظ رہیگا۔ <br /> <br /> ۲۴<br /> <br /> سُست آدمی اپنا ہاتھ تھالی میں ڈالتا ہے اور اِتنا بھی کرتا کہ پھِر اُسے اپنے مُنہ تک لائے۔<br /> <br /> ۲۵<br /> <br /> ٹھٹّھا کرنے والے کو مار۔ اِس سے سادہ دِل ہوشیار ہو جایئگا اور صاحبِ فہم کو تنبِیہ کر۔ وہ عِلم حاصِل کر یگا۔<br /> <br /> ۲۶<br /> <br /> جو اپنے باپ سے بد سلُوکی کرتا اور ماں کو نِکال دیتا ہے خجالت کا باعِث اور رسُوائی لانے والا بیٹا ہے۔ <br /> <br /> ۲۷<br /> <br /> اَے میرے بیٹے! اگر تُو عِلم سے برگشتہ ہوتا ہے تو تعلیِم سُننے سے کیا فائدہ؟ <br /> <br /> ۲۸<br /> <br /> خبِیث گواہ عدل پر ہنستا ہے اور شرِیر کا مُنہ بدی نِگلتا رہتا ہے۔<br /> <br /> ۲۹<br /> <br /> ٹھٹّھا کرنے والوں کے لئِے سزائیں ٹھہرائی جاتی ہیں اور احمقوں کی پِیٹھ کے لئِے کوڑے ہیں۔ &lt;/span&gt;&lt;/div&gt;&lt;/big&gt;<br /> <br /> {{Donate}}</div>

Erasmus