https://textus-receptus.com/index.php?action=history&feed=atom&title=Micah_2_Urdu 2026-05-19T17:44:33Z Revision history for this page on the wiki MediaWiki 1.45.3 https://textus-receptus.com/index.php?title=Micah_2_Urdu&diff=356101&oldid=prev 2020-10-08T11:23:19Z

<p>New page: {{Books of the Old Testament Urdu}} 2 مِیکاہ &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt; ۱ اُن پر افسوس جو بد کردار...</p> <p><b>New page</b></p><div>{{Books of the Old Testament Urdu}} 2 مِیکاہ<br /> &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt;<br /> <br /> ۱<br /> <br /> اُن پر افسوس جو بد کرداری کے منصُوبے باندھتے اور بِستر پر پڑے پڑے شرارت کی تدبِیریں اِیجاد کرتے ہیں اور صُبح ہوتے ہی اُن کو عمل میں لاتے ہیں! کیونکہ اُن کو اِس کا اِختیار ہے۔<br /> <br /> ۲<br /> <br /> وہ لالچ سے کھیتوں کو ضبط کرتے اور گھروں کو چھِین لیتے ہیں اور یُوں آدمی اور اُس کے گھر پر ہاں مَرد اور اُس کی مِیراث پر ظُلم کرتے ہیں۔<br /> <br /> ۳<br /> <br /> اِس لِئے خُداوند یُوں فرماتا ہے کہ دیکھ مَیں اِس گھرانے پر آفت لانے کی تدبِیر کرتا ہُوں جِس سے تُم اپنی گردن نہ بچا سکو گے اور گردن کشی سے نہ چلو گے کیونکہ یہ بُرا وقت ہوگا۔<br /> <br /> ۴<br /> <br /> اُس وقت کوئی تُم پر یہ مثل لائے گا اور پُر درد نَوحہ سے ماتم کرے گا اور کہے گا ہم بِالکُل غارت ہُوئے۔ اُس نے میرے لوگوں کا بخرہ بدل ڈالا۔ اُس نے کَیسے اُس کو مُجھ سے جُدا کر دِیا! اُس نے ہمارے کھیت باغِیوں کو بانٹ دِئے۔<br /> <br /> ۵<br /> <br /> اِس لِئے تُم میں سے کوئی نہ بچے گا جو خُداوند کی جماعت میں پَیمایش کی رسی ڈالے۔<br /> <br /> ۶<br /> <br /> بکواسی کہتے ہیں بکواس نہ کرو۔ اِن باتوں کی بابت بکواس نہ کرو۔ اَیسے لوگوں سے رُسوائی جُدا نہ ہوگی۔<br /> <br /> ۷<br /> <br /> اَے بنی یعقُوب کیا یہ کہا جائے گا کہ خُداوند کی رُوح قاصِر ہوگی؟ کیا اُس کے یِہی کام ہیں؟ کیا میری باتیں راست رَو کے لِئے مُفِید نہیں؟۔<br /> <br /> ۸<br /> <br /> ابھی کل کی بات ہے کہ میرے لوگ دُشمن کی طرح اُٹھے۔ تُم صُلح پسند و بے فِکر راہ گِیروں کی چادر اُتار لیتے ہو۔<br /> <br /> ۹<br /> <br /> تُم میرے لوگوں کی عَورتوں کو اُن کے مرغوب گھروں سے نِکال دیتے ہو اور تُم نے میرے جلال کو اُن کے بچّوں پر سے ہمیشہ کے لِئے دُور کر دِیا۔<br /> <br /> ۱۰<br /> <br /> اُٹھو اور چلے جاؤ کیونکہ لا عِلاج و مُہلِک ناپاکی کے سبب سے یہ تُمہاری آرام گاہ نہیں ہے۔<br /> <br /> ۱۱<br /> <br /> اگر کوئی جُھوٹ اور بطالت کا پیرَو کہے کہ مَیں شراب و نشہ کی باتیں کرُوں گا تو وُہی اِن لوگوں کا نبی ہوگا۔<br /> <br /> ۱۲<br /> <br /> اَے یعقُؔوب مَیں یقیِناََ تیرے سب لوگوں کو فراہم کرُوں گا۔ مَیں یقیِناََ اِسرائؔیل کے بِقیّہ کو جمع کرُوں گا۔ مَیں اُن کو بُصؔراہ کی بھیڑوں اور چراگاہ کے گلّہ کی مانِند اِکٹّھا کرُوں گا اور آدمِیوں کا بڑا شور ہوگا۔<br /> <br /> ۱۳<br /> <br /> توڑنے والا اُن کے آگے آگے گیا ہے۔ وہ توڑتے ہُوے پھاٹک تک چلے گئے اور اُس میں سے گُزر گئے اور اُن کا بادشاہ اُن کے آگے آگے گیا یعنی خُداوند اُن کا پیشوا۔ &lt;/span&gt;&lt;/div&gt;&lt;/big&gt;<br /> <br /> {{Donate}}</div>

Erasmus