https://textus-receptus.com/index.php?action=history&feed=atom&title=Luke_16_Urdu_Hindustani_Bible_1878 2026-05-17T05:42:34Z Revision history for this page on the wiki MediaWiki 1.45.3 https://textus-receptus.com/index.php?title=Luke_16_Urdu_Hindustani_Bible_1878&diff=366539&oldid=prev 2023-10-27T09:04:29Z

<p>New page: {{Books of the Urdu Hindustani 1878 New Testament}} LUQA KI INJIL. 16 BÁB * 1 Aur us ne apne shagirdon se bhi kaha, ki Kisu daulatmand ka ek mukhtar tha jis ka logon ne us se gila kiya...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> LUQA KI INJIL.<br /> <br /> 16 BÁB<br /> <br /> * 1 Aur us ne apne shagirdon se bhi kaha, ki Kisu daulatmand ka ek mukhtar tha jis ka logon ne us se gila kiya, ki yih tera mal urata, hai.<br /> <br /> * 2 Tab us ne us ko bulake puchha, ki Yih kya hai, jo tere naqq men sunta hai? Apni mukhtari ka hisab de; ki ab se tu mukhtar nahin rah sakta.<br /> <br /> * 3 Us mukhtar ne apne ji men kaha, ki Kya karun? kyunki mera malik mukhtari mujh se leleta hai: main khod nahin sakta, aur bhik mangne se mujhe sharm ati hai.<br /> <br /> * 4 Ab jan gaya, ki kya karun, taki jad mukhtari se chhut jaun, mujhe log apne gharon men rakhen.<br /> <br /> * 5 Tab apne khudawand ke har ek qarzdar ko bulake, pahle se puchha, ki Tu kitna mere malik ka dharata hai?<br /> <br /> * 6 Us ne kaha, Sau paimane tel. Tab us ko kaha, ki Apni dastawez le, aur baithke jald pachas likh de.<br /> <br /> * 7 Phir dusre se kaha, Tu kitna dharata hai? Us ne kaha, Sau paimane gehun. Use kaha, ki Apni dastawez Ie, aur assi likh de.<br /> <br /> * 8 Tab malik ne beiman mukhtar ki tarif ki, is liye ki us ne hoshyari ki: isi tarah dunya ke log apne waqt men nur ke farzandon se hoshyar hain.<br /> <br /> * 9 So main tum se kahta hun, ki Jhuthi daulat se apne liye dost paida karo; ki jad tum jate raho, hamesha ke makanon men jagah den.<br /> <br /> * 10 Jo thore men imandar hai, so bahut men bhi imandar hai: aur jo thore men beiman hai, so bahut men bhi beiman hai.<br /> <br /> * 11 Jab tum jhuthi daulat men imandar na rahe, to sachchi tumhen kaun supurd karega?<br /> <br /> * 12 Aur jab tum begane mal men imandar na rahe, to kaun kuchh dega ki tumhen punji ho.<br /> <br /> * 13 Koi naukar do khawindon ki khidmat nahin kar sakta: is liye ki ya ek ki dushmani karega, aur dusre ki dosti; ya ek ko manega, aur dusre ko nachiz janega. Tum Khuda aur daulat donon ki khidmat nahin kar sakte.<br /> <br /> * 14 Aur Farisi, jo daulat ko piyar karte the, in sab baton ko sunke, thatthe men urane lage.<br /> <br /> * 15 Tab us ne un ko kaha, ki Tum we ho, jo admion ke age ap ko rastbaz zahir karte hain; lekin Khuda tumhare dil ki janta hai: kyunki jis ki admi ke nazdik barai hoti, us se Khuda nafrat rakhta hai.<br /> <br /> * 16 Shariat aur ambiya Yuhanna tak the; tab se Khuda ki badshahat ki khushkhabari di jati hai, aur har ek zor marke us men dakhil hota hai.<br /> <br /> * 17 Par asman aur zamin ka tal jana shariat ke ek nuqte ke mit jane se bahut asan hai.<br /> <br /> * 18 Jo shakks apni joru ko chhor de, aur dusri se byah kare, zina karta hai: aur jo koi us&#039;aurat ko, ki chhor di gai, byahe, zina karta hai.<br /> <br /> * 19 Ek daulatmand tha, jo lal aur mihin kapre pahinta, aur roz roz shan o shaukat se &#039;aish karta tha.<br /> <br /> * 20 Aur Laazar name ek garib admi, jo nasur se bhara tha, jise us ki dewrhi par dal jate the.<br /> <br /> * 21 Aur wuh arzu rakhta tha, ki un tukron se, jo daulatmand ki mez se girte the, apna pet bhare: balki kutte ake us ke ghao chatte the.<br /> <br /> * 22 Aur aisa hua ki wuh garib mar gaya, aur firishton ne use Abiraham ki god men rakha: aur daulatmand bhi mua, aur gara gaya.<br /> <br /> * 23 Us ne dozakh men apni ankh uthake &#039;azab men hoke Abiraham ko dur se dekha, aur us ki god men Laazar ko.<br /> <br /> * 24 Aur us ne pukarke kaha, ki Ai bap Abiraham, mujh par rahm kar, aur Laazar ko bhej, ki apni ungli ka sira pani se bhigoke, meri zuban thandi kare; kyunki main is lau men tarapta hun.<br /> <br /> * 25 Tub Abiraham ne kaha, ki Ai bete, yad kar, ki tu apni zindagi men achchhi chizen le chuka, aur Laazar buri chizen: so ab wuh tasalli pata hai, aur tu tarapta hai.<br /> <br /> * 26 Aur in sab ke siwa, hamare tumhare darmiyan ek bara garha hai: aisa ki jo yahan se tumhare pas jaya chahe, na sake; aur na we log jo wahan hain, is par hamare pas a sakte.<br /> <br /> * 27 Tab us ne kaha, Pas ai bap, teri minnat karta hun, ki tu is ko mere bap ke ghar bhej.<br /> <br /> * 28 Kyunki mere panch bhai hain; taki un par gawahi den, aisa na ho, ki we bhi is dukh ki jagah men awen.<br /> <br /> * 29 Abiraham ne use kaha, ki un ke pas Musa aur ambiya hain; chahiye ki we un ki sunen.<br /> <br /> * 30 Us ne kaha, Nahin, Ai bap Abiraham, par agar koi murdon men se un ke pas jae, we tauba karenge.<br /> <br /> * 31 Us ne use kaha, ki Jab we Musa, aur nabion ki na sunte, to agar murdon men se koi uthe, to us ki na manenge.<br /> <br /> {{Donate}}</div>

Erasmus