https://textus-receptus.com/index.php?action=history&feed=atom&title=Isaiah_62_UrduIsaiah 62 Urdu - Revision history2026-05-21T11:07:51ZRevision history for this page on the wikiMediaWiki 1.45.3https://textus-receptus.com/index.php?title=Isaiah_62_Urdu&diff=353724&oldid=prevErasmus: New page: {{Books of the Old Testament Urdu}} 62 یسعیاہ <big><div style="text-align: right;"><span style="font-family:Jameel Noori Nastaleeq;"> ۱ صِیُّؔون کی خاطرِ مَیں ...2020-03-26T12:00:40Z<p>New page: {{Books of the Old Testament Urdu}} 62 یسعیاہ <big><div style="text-align: right;"><span style="font-family:Jameel Noori Nastaleeq;"> ۱ صِیُّؔون کی خاطرِ مَیں ...</p>
<p><b>New page</b></p><div>{{Books of the Old Testament Urdu}} 62 یسعیاہ<br />
<big><div style="text-align: right;"><span style="font-family:Jameel Noori Nastaleeq;"><br />
<br />
۱<br />
<br />
صِیُّؔون کی خاطرِ مَیں چُپ نہ رہُوں گا اور یروشلِؔیم کی خاطرِ مَیں دَم نہ لُوں گا جب تک کہ اُس کی صداقت نُور کی مانِند نہ چمکے اور اُس کی نجات روشن چراغ کی طرح جلوہ گر نہ ہو۔<br />
<br />
۲<br />
<br />
تب قَوموں پر تیری صداقت اور سب بادشاہوں پر تیری شَوکت ظاہِر ہوگی اور تُو ایک نئے نام سے کہلائے گی جو خُداوند کے مُنہ سے نِکلے گا۔<br />
<br />
۳<br />
<br />
اور تُو خُداوند کے ہاتھ میں جلالی تاج اور اپنے خُدا کی ہتھیلی میں شاہانہ افسر ہوگی۔<br />
<br />
۴<br />
<br />
تُو آگے کو متُروکہ نہ کہلائے گی اور تیرے مُلک کا نام پھِر کبھی خرابہ نہ ہوگا بلکہ تُو پِیاری اور تیری سر زمِین سُہاگن کہلائے گی کیونکہ خُداوند تُجھ سے خُوش ہے اور تیری زمِین خاوند والی ہوگی۔<br />
<br />
۵<br />
<br />
کیونکہ جِس طرح جوان مَرد کُنواری عَورت کو بیاہ لاتا ہے اُسی طرح تیرے بیٹے تُجھے بیاہ لیں گے اور جِس طرح دُلہا دُلہن میں راحت پاتا ہے اُسی طرح تیرا خُدا تُجھ میں مسرُور ہوگا۔<br />
<br />
۶<br />
<br />
اَے یروشلِؔیم مَیں تیری دِیواروں پر نِگہبان مُقرّر کِئے ہیں۔ وہ دِن رات کبھی خاموش نہ ہوں گے۔ اَے خُداوند کا ذِکر کرنے والو خاموش نہ ہو۔<br />
<br />
۷<br />
<br />
اور جب تک وہ یروشلِؔیم کو قائِم کر کے رُویِ زمِین پر محمُود نہ بنائے اُسے آرام نہ لینے دو۔<br />
<br />
۸<br />
<br />
خُداوند نے اپنے دہنے ہاتھ اور اپنے قوی بازُو کی قَسم کھائی ہے کہ یقِیناََ مَیں آگے کو تیرا غلّہ تیرے دُشمنوں کے کھانے کو نہ دُوں گا اور بے گانوں کے بیٹے تیری مَے جِس کے لِئے تُو نے محِنت کی نہیں پِئیں گے۔<br />
<br />
۹<br />
<br />
بلکہ وُہی جِنہوں نے فصل جمع کی ہے اُس میں سے کھائیں گے اور خُداوند کی حمد کریں گے اور وہ جو ذخِیرہ میں لائے ہیں اُسے میرے مَقدِس کی بارگاہوں میں پِئیں گے۔<br />
<br />
۱۰<br />
<br />
گُزر جاؤ! پھاٹکوں میں سے گُزر جاؤ! لوگوں کے لِئے راہ درُست کرو اور شاہراہ اُونچی اور بُلند کرو۔ پتّھر چُن کر معاف کر دو۔ لوگوں کے لِئے جھنڈا کھڑا کرو۔<br />
<br />
۱۱<br />
<br />
دیکھ خُداوند نے اِنتہایِ زمِین تک اِعلان کر دِیا ہے۔ دُخترِ صِیُّؔون سے کہو دیکھ تیرا نجات دینے والا آتا ہے۔ دیکھ اُس کا اجر اُس کے ساتھ اور اُس کا کام اُس کے سامنے ہے۔<br />
<br />
۱۲<br />
<br />
اور وہ مُقدّس لوگ اور خُداوند کے خرِیدے ہُوئے کہلائیں گے اور تُو مطلُوبہ یعنی غیر متُروک شہر کہلائے گی۔ </span></div></big><br />
<br />
{{Donate}}</div>Erasmus