https://textus-receptus.com/index.php?action=history&feed=atom&title=Hebrews_13_Urdu_Hindustani_Bible_1878 2026-05-17T18:18:38Z Revision history for this page on the wiki MediaWiki 1.45.3 https://textus-receptus.com/index.php?title=Hebrews_13_Urdu_Hindustani_Bible_1878&diff=365405&oldid=prev 2023-06-01T12:49:08Z

<p>New page: {{Books of the Urdu Hindustani 1878 New Testament}} IBEANION KO KHATT 13 BÁB * 1 Biradarana muhabbat bani rahe. * 2 Musafir-parwari ko mat bhulo; kyunki usi se kitnon ne bin jane fir...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> IBEANION KO KHATT<br /> <br /> 13 BÁB<br /> <br /> * 1 Biradarana muhabbat bani rahe.<br /> <br /> * 2 Musafir-parwari ko mat bhulo; kyunki usi se kitnon ne bin jane firishton ki mihmani ki hai.<br /> <br /> * 3 Qaidion ko yun yad karo, goya tum un ke sath qaid men sharik ho; aur aisa hi un ko jo rauj men hain yad karo, ki tumhara bhi unhin ka, sa jism hai.<br /> <br /> * 4 Byah karna sab men bhala hai, aur bistar napak nahin; par Khuda harmkaron aur zanion ki &#039;adalat karega.<br /> <br /> * 5 Tumhari chalan lalach ki na howe ; aur jo maujud hai, usi par qanaat karo; kyunki us ne ap kaha hai, ki main tujhe hargiz na chhorunga, aur tujhe mutlaq tark na karunga.<br /> <br /> * 6 Is waste ham khatirjamai se kah sakte hain, ki Khudawand mera madadgar hai, aur main na darunga,; insan mera kya karega?&quot;<br /> <br /> * 7 Tum apne peshwaon ko, jinhon ne tum se Khuda ki bat kahi, yad karo; aur un ki chal ke anjam ko gaur karke un ke iman ki pairaui karo.<br /> <br /> * 8 Yisu Masih kal aur aj aur abad tak eksan hai.<br /> <br /> * 9 Tum rang a rang begana talimon se idhar udhar daurte na phiro. Ki yih bhala hai, ki dil fazl se mazbut ho; na ki khurakon se, jin se unhon ne, jo un ke liye daurte phirte the, nafa na paya.<br /> <br /> * 10 Hamare to ek qurbangaa hai, jis se khaima ki khidmat karnewalon ka ikhtiyar nahin, ki khaen.<br /> <br /> * 11 Ki jin janwaron ka lahu sardar kahin muqaddas makan men gunah ke kafara ke waste le jata hai, un ke badan khaimagah ke bahar jalae jate hain.<br /> <br /> * 12 Is waste Yisu&#039; bhi, taki logon ko apne lahu se pakizagi bakhshe, phatak ke bahar mara gaya.<br /> <br /> * 13 Pas ao, ham us ki zillat ke sharik hoke khaimagah se bahar us pas nikal chalen.<br /> <br /> * 14 Kyunki hamara rahnewala shahr yahan nahin; ham to us shahr ko jo anewala hai, dhundhte hain.<br /> <br /> * 15 Is waste us ke wasile se sitaish ki qurbani, yane, un honthon ka phal jo us ke nam ka iqrar karte hain, Khuda ke liye har waqt lawen.<br /> <br /> * 16 Par bhalai aur sakhawat karni na bhulo; is liye ki Khuda, aisi qurbanion se khush hota hai.<br /> <br /> * 17 Tum apne peshwaon ke farmanbardar aur tabi&#039; raho: ki we, un ki manind jinhen hisab dena parega, tumhari janon ke waste jagte rahte hain, taki we khushi se yih karen, na ki gam so: kyunki wuh tumhare liye nuqsan hai.<br /> <br /> * 18 Hamare waste dua mango; kyunki ham yaqin jante hain, ki ham nekniyat hain, ki sari baton men neki ke sath guzran kiya chahte hain.<br /> <br /> * 19 Aur main yih minnat, ki tum yih karo, khass is liye karta hun, ki main jald tum pas phir pahunchun.<br /> <br /> * 20 Salamati ka Khuda, jo abadi &#039;ahd ke lahu ke sabab se bheron ke buzurg garariye, yane, hamare Khudawand Yisu&#039; Masih ko, murdon men se phir laya.<br /> <br /> * 21 Tum ko har ek nek kam men kamil kare, taki us ki marzi parchalo, aur jo kuchh us ke huzur men maqbul hai, Yisu&#039; Masih ke wasile tum men kare; us ka jalal hamesha hamesha howe. Amin.<br /> <br /> * 22 Ab, ai bhaio, main tum se iltimas karta hun, ki tum nasihat ke kalam ko man lo: ki main ne mukktasar men tumhen likha hai.<br /> <br /> * 23 Jano ki bhai Timtaus chhut gaya; agar wuh jald awe, to us ke sath ake main tum ko dekhunga.<br /> <br /> * 24 Tum apne sab peshwaon aur sare muqaddason ko salam kaho. Jo Italia ke hain, tumhen salam kahte hain.<br /> <br /> * 25 Fazl tum sab par ho. Amin.<br /> <br /> {{Donate}}</div>

Erasmus