https://textus-receptus.com/index.php?action=history&feed=atom&title=2_Timothy_4_Urdu_Hindustani_Bible_1878 2026-05-17T12:57:29Z Revision history for this page on the wiki MediaWiki 1.45.3 https://textus-receptus.com/index.php?title=2_Timothy_4_Urdu_Hindustani_Bible_1878&diff=366195&oldid=prev 2023-09-19T11:19:34Z

<p>New page: {{Books of the Urdu Hindustani 1878 New Testament}} PULUS KA DUSBA KHATT TIMTAUS KO. 4 BÁB * 1 Pas main Khuda aur Khudawand Yisu&#039; Masih ke age jo apne zahir hone aur apni badshahi men...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> PULUS KA DUSBA KHATT TIMTAUS KO.<br /> <br /> 4 BÁB<br /> <br /> * 1 Pas main Khuda aur Khudawand Yisu&#039; Masih ke age jo apne zahir hone aur apni badshahi men zindon aur murdon ki &#039;adalat karega, takid karta hun.<br /> <br /> * 2 Ki tu kalam ki manadi kar; waqt aur be-waqt usi kam men mashgul rah; kamal bardasht aur talim se ilzam de; aur malamat aur nasihat kiya kar.<br /> <br /> * 3 Kyunki aisa, waqt awega, jab we sahih talim ki bardasht na karenge; par kan khujlate hue apni buri khwahishon ke muwafiq ustad par ustad bulaenge.<br /> <br /> * 4 Aur kanon ko sachai ki taraf se pherke kahanion par lagawenge.<br /> <br /> * 5 So tu sari baton men bedar ho; dukk sah; Injil sunanewale ka kam kar; apni khidmat ko pura kar.<br /> <br /> * 6 Kyunki ab mera laku dhala jata hai, aur mere kuch ka waqt a pahuncha hai.<br /> <br /> * 7 Main achehhi larai lar chuka, main daur kar chuka, main ne iman ko rakh liya.<br /> <br /> * 8 Akhir, rastbazi ka taj mere liye dhara hai; so Khudawand, jo rast hakim hai, us din mujhe dega; aur faqat mujhe nahin, balki un sab ko bhi jo us ke zahir hone ko chahte hain.<br /> <br /> * 9 Tu koshish kar, taki mere pas jald awe.<br /> <br /> * 10 Kyunki Demas ne is jahan ko pasand karke mujhe chhor diya, aur Tassaluniqe ko chala gaya; Kreskes Galatiya men, aur Titus Dalmatiya men gaya.<br /> <br /> * 11 Luqa akela mere sath hai. Tu Marqus ko apne sath le a. kyunki wuh is khidmat men mere kam ka hai.<br /> <br /> * 12 Main ne Tukhikas ko Afasus men bheja.<br /> <br /> * 13 Tu wuh lubada jise main ne Troas men Qarpus ke yahan chhora, aur kitaben, khass kar, chamre ke waraq, lete aiyo.<br /> <br /> * 14 Sikandar thathere ne mujh se bahut badi ki; Khudawand us ke kamon ke muwafiq use badla de.<br /> <br /> * 15 Us se tu bhi khabardar rah, kyunki us ne hamari baton ki bahut mukhalafat ki.<br /> <br /> * 16 Mera pahila jawab dete waqt koi mera, sathi na tha; sabhon ne mujhe chhor diya; is ka, hisab unhen dena na pare.<br /> <br /> * 17 Par Khudawand mere sath raha, aur&#039; us ne mujhe taqat bakhshi, ki meri marifat se puri manadi ki jawe, aur sab gair qaum sunen; aur main babar ke munh se chhuraya gaya.<br /> <br /> * 18 Aur Khudawand mujhe har ek zabun se bachawega, aur apni asmani badshahi tak bachae rakhega; us ka jalal hamesha howe. Amin.<br /> <br /> * 19 Priska aur Aqula ko, aur Unesifarus ke ghar ko salam kah.<br /> <br /> * 20 Irastus Qurintus men raha, Trufimus ko main ne Miletus men bimar chhora.<br /> <br /> * 21 Jaldi kar, ki tu jare se peshtar pahunche. Yubulus aur Pudes, aur Linus, aur Qlaudia, aur sare bhai, tujhe salam kahte hain.<br /> <br /> * 22 Khudawand Yisu Masih teri ruh ke sath rahe. Fazl tum par howe. Amin.<br /> <br /> {{Donate}}</div>

Erasmus