2 Samuel 4 Urdu

From Textus Receptus

Jump to: navigation, search
4 سموئیل-۲

۱

جب ساؤُؔل کے بیٹے اِشؔبوست نے سُنا کہ ابنؔیر حبرُؔون میں مَر گیا تو اُسکے ہاتھ ڈِھیلے پڑ گئے اور سب اِسرائیلی گھبرا گئے۔

۲

اور ساؤُؔل کے بیٹے اِشؔبوست کے دو آدمی تھے جو فَوجوں کے سردار تھے۔ ایک کا نام بعؔنہ اور دُوسرے کا ریکاؔب تھا۔ یہ دونوں بنی بِنیمِین کی نسل کے بیرُوتی رِمُّؔون کے بیٹے تھے (کیونکہ بیرُؔوت کی بھی بنی بِنیمِین کا گِنا جاتا ہے۔

۳

اور بیرُوتی جِتّؔیم کو بھاگ گئے تھے چُنانچہ آج کے دِن تک وہ وہِیں رہتے ہیں)۔

۴

اور ساؤُؔل کے بیٹے یُونتؔن کا ایک لنگڑا بیٹا تھا۔ جب ساؤُؔل اور یُونتؔن کی خبر یزرعؔیل سے پُہنچی تو وہ پانچ برس کا تھا۔ سو اُسکی دایہ اُسکو اُٹھا کر بھاگی اور اُس نے جو بھاگنے میں جلدی کی تو اَیسا ہُئوا کہ وہ گِر پڑا اور لنگڑا ہو گیا۔ اُسکا نام مفِؔیبوست تھا۔

۵

اور بیرُوتی رِمُّؔون کے بیٹے ریکاؔب اور بعؔنہ چلے اور کڑی دُھوپ کے وقت اِشؔبوست کے گھر آئے جب وہ دوپہر کو آرام کر رہا تھا۔

۶

سو وہ وہاں گھر کے اندر گیہُوں لینے کے بہانے سے گُھسے اور اُسکے پیٹ میں مارا اور ریکاؔب اور اُسکا بھائی بعؔنہ بھاگ نِکلے۔

۷

جب وہ گھر میں گُھسے تو وہ اپنی خواب گاہ میں اپنے بِستر پر سوتا تھا۔ سو اُنہوں نے اُسے مارا اور قتل کِیا اور اُسکا سر کاٹ دِیا اور اُسکا سر لیکر تمام رات مَیدان کی راہ چلے۔

۸

اور اِشؔبوست کا سر حبرُؔون میں داؤُؔد کے پاس لے آئے اور بادشاہ سے کہا تیرا دُشمن ساؤُؔل جو تیری جان کا طالِب تھا یہ اُسکے بیٹے اِشؔبوست کا سر ہے سو خُداوند نے آج کے دِن میرے مالِک بادشاہ کا اِنتِقام ساؤُؔل اور اُسکی نسل سے لِیا۔

۹

تب داؤُؔد نے ریکاؔب اور اُسکے بھائی بعؔنہ کو جو بیرُوتی رِمُّؔون کے بیٹے تھے جواب دِیا کہ خُداوند کی حیات کی قَسم جِس نے میری جان کو ہر مُصِیبت سے رہائی دی ہے۔

۱۰

جب ایک شخص نے مُجھ سے کہا کہ دیکھ ساؤُؔل مَر گیا اور سمجھا کہ خُوشخبری دیتا ہے تو مَیں نے اُسے پکڑا اور صِقؔلاج میں اُسے قتل کِیا۔ یِہی جزا مَیں نے اُسے اُسکی خبر کے بدلے دی۔

۱۱

پس جب شرِیروں نے ایک راستگار اِنسان کو اُسی کے گھر میں اُسکے بِستر پر قتل کِیا ہے تو کیا مَیں اب اُسکے خُون کا بدلہ تُم سے ضرُور ہی نہ لُوں اور تُم کو زمِین پر سے نابُود نہ کر ڈالُوں۔

۱۲

تب داؤُؔد نے اپنے جوانوں کو حُکم دِیا اور اُنہوں نے اُنکو قتل کِیا اور اُنکے ہاتھ اور پاؤں کاٹ ڈالے اور اُنکو حبرُؔون میں تالاب کے پاس ٹانگ دِیا اور اِشؔبوست کے سر کو لیکر اُنہوں نے حبرُؔون میں ابنؔیر کی قبر میں دفن کِیا۔

Views
Personal tools
Navigation
Toolbox