http://textus-receptus.com/w/index.php?action=history&feed=atom&title=Job_31_Urdu 2026-04-14T03:00:02Z Revision history for this page on the wiki MediaWiki 1.13.2 http://textus-receptus.com/w/index.php?title=Job_31_Urdu&diff=352645&oldid=prev 2019-11-12T06:29:32Z

<p>New page: {{Books of the Old Testament Urdu}} 31 ایُّوب &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt; ۱ مَیں نے اپنی آنکھوں سے ع...</p> <p><b>New page</b></p><div>{{Books of the Old Testament Urdu}} 31 ایُّوب<br /> &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt;<br /> <br /> ۱<br /> <br /> مَیں نے اپنی آنکھوں سے عہد کِیا ہے۔ پھِر مَیں کِسی کُنورای پر کیونکر نظر کرُوں؟<br /> <br /> ۲<br /> <br /> کیونکہ اُوپر سے خُدا کی طرف سے کیا بخرہ ہے اور عالمِ بالا سے قادرِ مُطلق کی طرف سے کیا مِیراث ہے؟<br /> <br /> ۳<br /> <br /> کیا وہ ناراستوں کے لئِے آفت اور بدکرداروں کے لئِے تباہی نہیں ہے؟<br /> <br /> ۴<br /> <br /> کیا وہ میری راہوں کو نہیں دیکھتا اور میرے سب قدموں کو نہیں گِنتا؟<br /> <br /> ۵<br /> <br /> اگر مَیں بطالت سے چلا ہُوں اور میرے پاؤں نے دغا کے لئِے جلدی کی ہے<br /> <br /> ۶<br /> <br /> تو مَیں ٹھِیک ترازُو میں تولا جاؤُں تا کہ خُدا میری راستی کو جان لے)۔)<br /> <br /> ۷<br /> <br /> اگر میرا قدم راستہ سے برگشتہ ہُئوا ہے اور میرے دِل نے میری آنکھوں کی پَیروی کی ہے اور اگر میرے ہاتھوں پر داغ لگا ہے<br /> <br /> ۸<br /> <br /> تو مَیں بوؤں اور دُوسرا کھائے اور میرے کھیت کی پَیداوار اُکھاڑ دی جائے۔<br /> <br /> ۹<br /> <br /> اگر میرا دِل کِسی عَورت پر فریفتہ ہُئوا اور مَیں اپنے پڑوسی کے دروازہ پر گھات میں بَیٹھا<br /> <br /> ۱۰<br /> <br /> تو میری بِیوی دُوسرے کے لئِے پِیسے اور غَیر مَرد اُس پر جُھکیں۔<br /> <br /> ۱۱<br /> <br /> کیونکہ یہ نِہایت بُرا جُرم ہوتا بلکہ اَیسی بدی ہوتی جِسکی سزا قاضی دیتے ہیں۔<br /> <br /> ۱۲<br /> <br /> کیونکہ وہ اَیسی آگ ہے جو جلا کر بھسم کر دیتی ہے اور میرے سارے حاصِل کو جڑ سے نیست کر ڈالتی ہے۔<br /> <br /> ۱۳<br /> <br /> اگر مَیں نے اپنے خادِم یا اپنی خادِمہ کا حق مارا ہو جب اُنہوں نے مُجھ سے جھگڑا کِیا<br /> <br /> ۱۴<br /> <br /> تو جب خُدا اُٹھیگا تب مَیں کیا کرُونگا؟ اور جب وہ آئیگا تو مَیں اُسے کیا جواب دُونگا؟<br /> <br /> ۱۵<br /> <br /> کیا وُہی اُسکا بنانے والا نہیں جِس نے مُجھے بطن میں بنایا؟ اور کیا ایک ہی نے ہماری صُورت رَحِم میں نہیں بنائی؟<br /> <br /> ۱۶<br /> <br /> اگر مَیں نے مُحتاج سے اُسکی مُراد روک رکھّی یا اَیسا کِیا کہ بیوہ کی آنکھیں رہ گئِیں۔<br /> <br /> ۱۷<br /> <br /> یا اپنا نوالہ اکیلے ہی کھایا ہو اور یِتیم اُس میں سے کھانے نہ پایا۔<br /> <br /> ۱۸<br /> <br /> نہیں۔ بلکہ میرے لڑکپن سے وہ میرے ساتھ اَیسے پلا جَیسے باپ کے ساتھ اور مَیں اپنی ماں کے بطن ہی سے بیوہ کا رہنُما رہا ہُوں)۔)<br /> <br /> ۱۹<br /> <br /> اگر مَیں نے دیکھا کہ کوئی بے کپڑے مَرتا ہے یا کِسی مُحتاج کے پاس اوڑھنے کو نہیں۔<br /> <br /> ۲۰<br /> <br /> اگر اُسکی کمر نے مُجھ کو دُعا نہ دی ہو اور اگر وہ میری بھیڑوں کی اُون سے گرم نہ ہُئوا ہو۔<br /> <br /> ۲۱<br /> <br /> اگر مَیں نے کِسی یِتیم پر ہاتھ اُٹھایا ہو کیونکہ پھاٹک پر مُجھے اپنی کُمک دِکھائی دی<br /> <br /> ۲۲<br /> <br /> تو میرا کندھا میرے شانہ سے اُتر جائے اور میرے بازُو کی ہڈّی ٹوٹ جائے<br /> <br /> ۲۳<br /> <br /> کیونکہ مُجھے خُدا کی طرف سے آفت کا خَوف تھا اور اُسکی بزُرگی کی وجہ سے مَیں کُچھ نہ کرسکا۔<br /> <br /> ۲۴<br /> <br /> اگر مَیں نے سونے پر بھروسا کِیا ہو اور چوکھے سونے سے کہا میرا اِعتماد تُجھ پر ہے۔<br /> <br /> ۲۵<br /> <br /> اگر میں اِسلئِے کہ میری دولت فراوان تھی اور میرے ہاتھ نے بُہت کُچھ حاصِل کر لِیا تھا نازان ہُئوا۔<br /> <br /> ۲۶<br /> <br /> اگر مَیں نے سُورج پر جب وہ چمکتا ہے نظر کی ہو یا چاند پر جب وہ آب وتاب میں چلتا ہے<br /> <br /> ۲۷<br /> <br /> اور میرا دِل خُفیتہً فریفتہ ہوگیا ہو اور میرے مُنہ نے میرے ہاتھ کو چُوم لِیا ہو<br /> <br /> ۲۸<br /> <br /> تو یہ بھی اَیسی بدی ہے جِسکی سزا قاضی دیتے ہیں کیونکہ یُوں مَیں نے خُدا کا جو عالمِ بالا پر ہے اِنکار کِیا ہوتا۔<br /> <br /> ۲۹<br /> <br /> اگر مَیں اپنے نفرت کرنے والے کی ہلاکت سے خُوش ہُئوا یا جب اُس پر آفت آئی تو شادمان ہُئوا۔<br /> <br /> ۳۰<br /> <br /> ہاں مَیں نے تو اپنے مُنہ کو اِتنا گُناہ بھی نہ کرنے دِیا کہ لَعنت بھیجکر اُسکی مَوت کے لئِے دُعا کرتا)۔)<br /> <br /> ۳۱<br /> <br /> اگر میرے خَیمہ کے لوگوں نے یہ نہ کہا ہو اَیسا کَون ہے جو اُسکے ہاں گوشت سے سیر نہ ہُئوا؟<br /> <br /> ۳۲<br /> <br /> پردیسی کو گلی کُوچوں میں ٹِکنا نہ پڑا بلکہ مَیں مُسافِر کے لئِے اپنے دروازے کھول دیتا تھا۔<br /> <br /> ۳۳<br /> <br /> اگر آدمؔ کی طرح اپنی بدی اپنے سِینہ میں چُھپا کر مَیں نے اپنی تقصِیروں پر پردہ ڈالا ہو<br /> <br /> ۳۴<br /> <br /> اِس سبب سے کہ مُجھے عوامُ النّاس کا خَوف تھا اور مَیں خاندانوں کی حقارت سے ڈر گیا۔یہاں تک کہ مَیں خاموش ہو گیا اور دروازہ سے باہر نہ نِکلا۔<br /> <br /> ۳۵<br /> <br /> !کاش کہ کوئی میری سُننے والا ہوتا!(یہ لو میرا دستخط۔ قادرِ مُطلق مُجھے جواب دے)۔کاش کہ میرے مُخالِف کے دعویٰ کی تحرِیر ہوتی<br /> <br /> ۳۶<br /> <br /> یقِیناً مَیں اُسے اپنے کندھے پر لئِے پھِرتا اور اُسے اپنے لئِے عمِامہ کی طرح باندھ لیتا۔<br /> <br /> ۳۷<br /> <br /> مَیں اُسے اپنے قدموں کی تعداد بتاتا۔ اَمِیر کی طرح مَیں اُسکے پاس جاتا۔<br /> <br /> ۳۸<br /> <br /> اگر میری زمِین میرے خِلاف دُہائی دیتی ہو اور اُسکی ریگھاریاں مِلکر روتی ہوں۔<br /> <br /> ۳۹<br /> <br /> اگر مَیں نے بے دام اُسکے پَھل کھائے ہوں یا اَیسا کِیا کہ اُسکے مالِکوں کی جان گئی<br /> <br /> ۴۰<br /> <br /> تو گیہُوں کے بدلے اُونٹ کٹارے اور جَو کے بدلے کڑوے دانے اُگیں ۔ ایُّؔوب کی باتیں تمام ہُوئِیں۔ &lt;/span&gt;&lt;/div&gt;&lt;/big&gt;<br /> <br /> {{Donate}}</div>

Erasmus