http://textus-receptus.com/w/index.php?action=history&feed=atom&title=Job_15_Urdu 2026-04-12T17:44:59Z Revision history for this page on the wiki MediaWiki 1.13.2 http://textus-receptus.com/w/index.php?title=Job_15_Urdu&diff=352611&oldid=prev 2019-11-08T09:00:46Z

<p>New page: {{Books of the Old Testament Urdu}} 15 ایُّوب &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt; ۱ تب الِؔیفز تیمانی نے جو...</p> <p><b>New page</b></p><div>{{Books of the Old Testament Urdu}} 15 ایُّوب<br /> &lt;big&gt;&lt;div style=&quot;text-align: right;&quot;&gt;&lt;span style=&quot;font-family:Jameel Noori Nastaleeq;&quot;&gt;<br /> <br /> ۱<br /> <br /> تب الِؔیفز تیمانی نے جواب دِیا:۔<br /> <br /> ۲<br /> <br /> کیا عقلمند کو چاہئے کہ لغو باتیں جوڑ کر جواب دے اور مشرِقی ہوا سے اپنا پیٹ بھرے؟<br /> <br /> ۳<br /> <br /> کیا وہ بے فائِدہ بکواس سے بحث کرے یا اَیسی تقرِیروں سے جو بے سُود ہیں؟<br /> <br /> ۴<br /> <br /> بلکہ تُو خَوف کو برطرف کرکے خُدا کے حضُور عِبادت کو زائِل کرتا ہے۔<br /> <br /> ۵<br /> <br /> کیونکہ تیرا گُناہ تیرے مُنہ کو سِکھاتا ہے اور تُو عَیّاروں کی زُبان اِختیار کرتا ہے۔<br /> <br /> ۶<br /> <br /> تیرا ہی مُنہ تُجھے مُلزِم ٹھہراتا ہے نہ کہ مَیں بلکہ تیرے ہی ہونٹ تیرے خِلاف گواہی دیتے ہیں۔<br /> <br /> ۷<br /> <br /> کیا پہلا اِنسان تُو ہی پَیدا ہُئوا؟ یا پہاڑوں سے پہلے تیری پَیدائش ہُوئی؟<br /> <br /> ۸<br /> <br /> کیا تُو نے خُدا کی پوشِیدہ مصلحت سُن لی ہے اور اپنے لئِے عقلمندی کا ٹھیکہ لے رکھّا ہے؟<br /> <br /> ۹<br /> <br /> تُو اَیسا کیا جانتا ہے جو ہم میں نہیں جانتے؟ تُجھ میں اَیسی کیا سمجھ ہے جو ہم میں نہیں؟<br /> <br /> ۱۰<br /> <br /> ہم لوگوں میں سفید سر اور بڑے بُوڑھے بھی ہیں جو تیرے باپ سے بھی بُہت زِیادہ عُمر کے ہیں۔<br /> <br /> ۱۱<br /> <br /> کیا خُدا کی تسلّی تیرے نزدِیک کُچھ کم ہے اور وہ کلام جو تُجھ سے نرمی کے ساتھ کِیا جاتا ہے؟<br /> <br /> ۱۲<br /> <br /> تیرا دِل کیوں تُجھے کھینچ لے جاتا ہے اور تیری آنکھیں کیوں اِشارہ کرتی ہیں<br /> <br /> ۱۳<br /> <br /> کہ تُو اپنی رُوح کو خُدا کی مُخالفت پر آمادہ کرتا ہے اور وہ اپنے مُنہ سے اَیسی باتیں نِکلنے دیتا ہے؟<br /> <br /> ۱۴<br /> <br /> اِنسان ہے کیا کہ وہ پاک ہو؟ اور وہ جو عَورت سے پَیدا ہُئوا کیا ہے کہ صادِق ہو؟<br /> <br /> ۱۵<br /> <br /> دیکھ! وہ اپنے قُدسِیوں کا اِعتبار نہیں کرتا بلکہ آسمان بھی اُسکی نظر میں پاک نہیں۔<br /> <br /> ۱۶<br /> <br /> پھِر بھلا اُسکا کیا ذِکر جو گھِنونا اور خراب ہے یعنی وہ آدمی جو بدی کو پانی کی طرح پِیتا ہے؟<br /> <br /> ۱۷<br /> <br /> مَیں تُجھے بتاتا ہُوں۔ تُو میری سُن اور جو مَیں نے دیکھا ہے اُسکا بیان کرُونگا۔<br /> <br /> ۱۸<br /> <br /> جِسے عقلمندوں نے اپنے باپ دادا سے سُنکر بتایا ہے اور اُسے چُھپایا نہیں)<br /> <br /> ۱۹<br /> <br /> صرف اُن ہی کو مُلک دِیا گیا تھا اور کوئی پردیسی اُنکے درمِیان نہیں آیا)۔<br /> <br /> ۲۰<br /> <br /> شرِیر آدمی اپنی ساری عُمر درد سے کراہتا ہے۔ یعنی سب برس جو ظالِم کے لئِے رکھّے گئے ہیں۔<br /> <br /> ۲۱<br /> <br /> ڈراونی آوازیں اُسکے کان میں گُونجتی رہتی ہیں۔ اِقبالمندی کے وقت غارتگر اُس پر آ پڑیگا۔<br /> <br /> ۲۲<br /> <br /> اُسے یقِین نہیں کہ وہ اندھیرے سے باہر نِکلیگا اور تلوار اُسکی مُنتظِر ہے۔<br /> <br /> ۲۳<br /> <br /> وہ روٹی کے لئِے مارامارا پھِرتا ہے کہ کہاں مِلیگی۔ وہ جانتا ہے کہ اندھیرے کا دِن پاس ہی ہے۔<br /> <br /> ۲۴<br /> <br /> مُصِیبت اور سخت تکلِیف اُسے ڈراتی ہیں۔ اَیسے بادشاہ کی طرح جو لڑائی کے لئِے تیّار ہو وہ اُس پر غالِب آتی ہیں۔<br /> <br /> ۲۵<br /> <br /> اِسلئِے کہ اُس نے خُدا کے خِلاف اپنا ہاتھ بڑھایا ہے اور قادرِ مُطلق کے خِلاف بے باکی کرتا ہے۔<br /> <br /> ۲۶<br /> <br /> وہ اپنی ڈھالوں کی موٹی موٹی گُل میخوں کے ساتھ گردن کش ہو کر اُس پر لپکتا ہے۔<br /> <br /> ۲۷<br /> <br /> اِسلئِے کہ اُسکے مُنہ پر مُٹاپا چھا گیا ہے اور اُسکے پہلُوؤں پر چربی کی تہیں جم گئی ہیں۔<br /> <br /> ۲۸<br /> <br /> اور وہ وِیران شہروں میں بس گیا ہے۔ اَیسے مکانوں میں جِن میں کوئی آدمی نہ بسا اور جو کھنڈر ہونے کو تھے۔<br /> <br /> ۲۹<br /> <br /> وہ دَولتمند نہ ہوگا۔ اُسکا مال بنا نہ رہیگا اور اَیسوں کی پَیداوار زمِین کی طرف نہ جُھکیگی۔<br /> <br /> ۳۰<br /> <br /> وہ اندھیرے سے کبھی نہ نِکلیگا۔ شُعلے اُسکی شاخوں کو خُشک کردینگے اور وہ خُدا کے مُنہ کے دَم سے جاتا رہیگا۔<br /> <br /> ۳۱<br /> <br /> وہ اپنے آپ کو دھوکا دیکر بطالت کا بھروسا نہ کرے کیونکہ بطالت ہی اُسکا اجر ٹھہریگی۔<br /> <br /> ۳۲<br /> <br /> یہ اُسکے وقت سے پہلے پُورا ہو جائیگا اور اُسکی شاخ ہری نہ رہیگی۔<br /> <br /> ۳۳<br /> <br /> تاک کی طرح اُسکے انگُور کچّے ہی جھڑ جائینگے اور زَیتُون کی طرح اُسکے پُھول گِر جائینگے۔<br /> <br /> ۳۴<br /> <br /> کیونکہ بے خُدا لوگوں کی جماعت بے پَھل رہیگی اور رِشوت کے ڈیروں کو آگ بھسم کر دیگی۔<br /> <br /> ۳۵<br /> <br /> وہ شرارت سے باردار ہوتے ہیں اور بدی پَیدا ہوتی ہے اور اُنکا پیٹ دغا کو تیّار کرتا ہے۔ &lt;/span&gt;&lt;/div&gt;&lt;/big&gt;<br /> <br /> {{Donate}}</div>

Erasmus