https://textus-receptus.com/index.php?action=history&feed=atom&title=Luke_21_Urdu_Hindustani_Bible_1878 2026-05-21T18:18:21Z Revision history for this page on the wiki MediaWiki 1.45.3 https://textus-receptus.com/index.php?title=Luke_21_Urdu_Hindustani_Bible_1878&diff=366550&oldid=prev 2023-10-28T14:12:53Z

<p>New page: {{Books of the Urdu Hindustani 1878 New Testament}} LUQA KI INJIL. 21 BÁB * 1 Us ne ankh uthake daulatmandon ko apni nazr haikal ke khazane men dalte dekha. * 2 Aur ek kangal bewa ko ...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> LUQA KI INJIL.<br /> <br /> 21 BÁB<br /> <br /> * 1 Us ne ankh uthake daulatmandon ko apni nazr haikal ke khazane men dalte dekha.<br /> <br /> * 2 Aur ek kangal bewa ko bhi do damri dalte dekha.<br /> <br /> * 3 Tab us ne kaha, Main tum se sach kahta hun, ki is kangal bewa ne sab se ziyada dala.<br /> <br /> * 4 Kyunki un sabhon ne apne ziyada mal se Khuda ki nazron men dala: par us ne apni garibi ki sari punji dali.<br /> <br /> * 5 Aur jab baze haikal ke haqq men kahte the, ki wuh nafis pattharon aur nazron se arista hai, us ne kaha.<br /> <br /> * 6 Wuh din awenge, ki un men se jo tum dekhte ho, patthar par patthar na chhutega, ki giraya na jae.<br /> <br /> * 7 Tab unhon ne us se puchha, ki Ai ustad, yih kab hoga? aur us ke hone ka kya nishan hai?<br /> <br /> * 8 Us ne kaha, Dekho, koi tum ko gumrah na kare: kyunki bahutere mere nam par awenge, aur kahenge, ki Main hun: aur waqt nazdik hai: par un ke pichhe na jaiyo.<br /> <br /> * 9 Aur jab laraion aur fasadon ki khabar sunno, to na ghabraiyo: kyunki pahle un ka waqi&#039; hona zarur hai; par ab tak akhir nahin.<br /> <br /> * 10 Phir us ne un se kaha, ki Qaum qaum par, aur badshahi badshahi par charh awegi.<br /> <br /> * 11 Aur bahut jagahon men bare bare bhunchal awenge, aur mari aur kal parega: aur bhayanak chizen aur bare bare nishin asman se zahir honge.<br /> <br /> * 12 Lekin sab se pahle mere nam ke sabab tum par hath dalenge, aur satawenge, aur &#039;ibadatkhanon aur qaidkhanon men hawala karenge, aur badshahon aur hakimon ke pas khainchenge.<br /> <br /> * 13 Aur yih tumhare liye gawahi thahregi.<br /> <br /> * 14 Pas apne dil men thahra rakho, ki ham pahle se fikr na karen, ki kya jawab denge.<br /> <br /> * 15 Is liye ki main tumhen aisi zuban aur hikmat dunga, ki tumhare sab muddai khilaf kahne aur samhna karne ka maqdur na rakhenge.<br /> <br /> * 16 Ma bap, aur bhai, aur rishtadar, aur dost bhi tum ko giriftar karawenge; aur tum men se bazon ko qatl karenge.<br /> <br /> * 17 Aur mere nam ke sabab sab log tum se kina rakhenge.<br /> <br /> * 18 Lekin tumhare sir ka ek bal bika na hoga.<br /> <br /> * 19 Tum sabr se apni jan bachae rakho.<br /> <br /> * 20 Aur jab tum Yarusalam ko faujon se ghira dekho, to jan lo, ki us ka ujar hona nazdik hai.<br /> <br /> * 21 Tab we, jo Yahudiya men hon, paharon par bhag jaen, aur we, jo shahr men hon bahar nikal jaen; aur we, jo us ke bahar hon, bhitar na awen.<br /> <br /> * 22 Kyunki wuh din intiqam ke hain, ki sab, jo likha hai, pura hoga.<br /> <br /> * 23 Par un dinon petwalion, aur dudh pilanewalion par afsos! kyunki is mulk men bari tangi aur is qaum par gazab hoga.<br /> <br /> * 24 Aur we talwar ki dhar se gir jaenge, aur log unhen bandhwake sab qaumon men le jaenge: aur jab tak qaumon ka waqt pura na ho, Yarusalam qaumon se raundi jaegi.<br /> <br /> * 25 Aur suraj o chand aur taron men nishanian hongi; aur zamin par qamnon ki musibat ghabrahat ke sath hogi; aur samundar aur us ki lahron ka shor hoga.<br /> <br /> * 26 Aur logon ki, dar ke mare, aur un chizon ki jo zamin par ati hain rah dekhne se, jan men jan na rahegi; is liye ki asman ki quwaten hil jaengi.<br /> <br /> * 27 Aur tab log Ibn i Adam ko badli men bari qudrat aur jalal ke sath ate dekhenge.<br /> <br /> * 28 Aur jab yih chizen hone lagen, sidhe hoke sir upar uthao; is liye ki tumhara chhutkara nazdik hai.<br /> <br /> * 29 Aur us ne un se ek tamsil kahi; ki Anjir ke darakht aur sab darakhton ko dekho.<br /> <br /> * 30 Jab un men konpalen nikalti hain, tum ap hi jante ho, ki ab garmi nazdik ai.<br /> <br /> * 31 So isi tarah tum bhi jab in chizon ko hote dekho, to jano ki Khuda ki badshahat nazdik ai.<br /> <br /> * 32 Main tum se sach kahta hun, ki Jab tak yih sab ho na lewe, yih pusht kabhi na guzregi.<br /> <br /> * 33 Asman o zamin tal jaenge: par meri baten kabhi na talengi.<br /> <br /> * 34 Khabardar, aisa na ho ki tumhara dil bahut khane, aur matwala hone, aur zindagi ki fikron se bhari ho, aur wuh din tum par achanak a pare.<br /> <br /> * 35 Is liye ki wuh, jal ki tarah, zamin ke sab rahnewalon ko gher lega.<br /> <br /> * 36 Pas jagte raho, aur har waqt dua mango, taki tum in sab chizon se, jo honewali hain, bach jane ke aur Ibn i Adam ke samhne khare hone ke Laiq thahro.<br /> <br /> * 37 Aur wuh, din ko, haikal men talim deta, aur rat ko, bahar jake, Zaitun name pahar par rahta tha.<br /> <br /> * 38 Aur subh ko sab log us ki baten sunne ko haikal men ate the.<br /> <br /> {{Donate}}</div>

Erasmus