https://textus-receptus.com/index.php?action=history&feed=atom&title=Ephesians_5_Urdu_Hindustani_Bible_1878 2026-05-22T12:43:59Z Revision history for this page on the wiki MediaWiki 1.45.3 https://textus-receptus.com/index.php?title=Ephesians_5_Urdu_Hindustani_Bible_1878&diff=366235&oldid=prev 2023-09-25T11:21:51Z

<p>New page: {{Books of the Urdu Hindustani 1878 New Testament}} PULUS KA KHATT AFSION KO. 5 BÁB * 1 Pus tum aziz farzandon ki tarah Khuda ke pairau ho. * 2 Aur muhabbat se chalo, jaise Masih ne ...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> PULUS KA KHATT AFSION KO.<br /> <br /> 5 BÁB<br /> <br /> * 1 Pus tum aziz farzandon ki tarah Khuda ke pairau ho.<br /> <br /> * 2 Aur muhabbat se chalo, jaise Masih ne bhi ham se muhabbat ki, aur khushbu ke liye hamare &#039;iwaz men apne tain Khuda ke age nazr aur qurban kiya.<br /> <br /> * 3 Aur haramkari, aur har tarah ki napaki, aur lalach ka tum men zikr tak na ho, jaisa muqaddas logon ko munasib hai.<br /> <br /> * 4 Aur be-sharmi, aur behuda bat, ya thatthebazi jo na-munasib hai, na howe, balki beshtar shukrguzari.<br /> <br /> * 5 Kyunki tum to is se waqif ho, ki kisi haramkar, aur napak, aur lalchi ko, jo but-parast hai, Masih aur Khuda ki badshahat men miras nahin hai.<br /> <br /> * 6 Koi tum ko behuda baton se bhulawa na de; kyunki aisi baton ke sabab Khuda, ka gazab nafarmanbardaron par parta hai.<br /> <br /> * 7 Pas tum un ke sharik na ho.<br /> <br /> * 8 Kyunki tum age tariki the, par ab Khuda men hoke nur ho. tum nor ke farzandon ki tarah chalo.<br /> <br /> * 9 (Is liye ki Ruh ka phal jo hai, kamal khubi, aur rastbazi, aur sachai hai;).<br /> <br /> * 10 Aur daryaft karte jao, ki Khudawand ko kya khush ata hai.<br /> <br /> * 11 Aur tariki ke la-hasil kamon men sharik mat ho, balki beshtar un ko malamat karo.<br /> <br /> * 12 Kyunki un ke poshida kamon ka zikr bhi karna sharm hai.<br /> <br /> * 13 Aur sari chizen jo malamat ke laiq hain, roshni se zahir hoti hain; kyunki har ek chiz jo roshan karti, roshni hai.<br /> <br /> * 14 Is liye wuh kahti hai, Are a, tu jo sota hai, jag, aur murdon men se uth; ki Masih tujhe roshan karega.<br /> <br /> * 15 Pas khabardar, tum dekh bhalke chalo, nadanon ki tarah nahin, balki danaon ki manind,<br /> <br /> * 16 Aur waqt ko ganimat jano, kyunki din bure hain.<br /> <br /> * 17 Is waste, tum be-tamiz na raho, balki samjho, ki Khudawand ki marzi kya hai.<br /> <br /> * 18 Aur sharab pike matwale na ho, ki us men kharabi hai, balki Ruh se bhar jao.<br /> <br /> * 19 Aur apas men zabur, aur git, aur ruhani gazalen gaya karo, aur apne dil men Khudawand ke liye gate bajate raho.<br /> <br /> * 20 Aur hamesha sab baton men hamare Khudawand Yisu Masih ke nam se Khuda Bap ke shukrguzar raho.<br /> <br /> * 21 Aur Khuda ke khauf se ek dusre ki fermanbardari karo.<br /> <br /> * 22 Ai &#039;aurato, apne shauharon ki aisi farmanbardar raho, jaise Khudawand ki.<br /> <br /> * 23 Kyunki shauhar joru ka sir hai, jaise ki Masih kalisiye ka sir, aur wuh badan ka bachanewala hai.<br /> <br /> * 24 Pas jaise kalisiya Masih ki farmanbardar hai, waise hi Joruan bhi har bat men apne shauharon ki howen.<br /> <br /> * 25 Ai mardo, apni joruan ko piyar karo, jaisa Masih ne bhi kalisiye ko piyar kiya, aur apne tain us ke badle diya.<br /> <br /> * 26 Ta ki us ko pani ke gusl se kalam ke sath pak karke muqaddas kare.<br /> <br /> * 27 Aur use apne liye taiyar kare, yane ek aisi jalalwali kalisiya jis men dag, ya chin, ya koi aisi chiz na ho, balki wuh muqaddas aur be-&#039;aib ho.<br /> <br /> * 28 Yun hi mardon par lazim hai, ki apni joruan ko piyar karen, jaise apne badan ko. Jo apni joru ko piyar karta hai, so ap ko piyar karta hai.<br /> <br /> * 29 Kyunki kisi ne apne jism se kabhi dushmani na ki; balki wuh use palta aur posta hai, jaisa, Khudawand bhi kalisiye ko.<br /> <br /> * 30 Kyunki ham us ke badan ke &#039;azu, aur us ke gosht aur haddion men se hain.<br /> <br /> * 31 Usi sabah se admi apne ma bap ko chhorega, aur apni joru se mila rahega, aur we donon ek tan honge.<br /> <br /> * 32 Yih ek bara bhed hai, par main Masih aur kalisiye ki babat bolta hun.<br /> <br /> * 33 Ba har hal har ek tum men se apni apni joru ko aisa piyar kare, jaisa ap ko; aur &#039;aurat apne shauhar ka adab kare. <br /> <br /> {{Donate}}</div>

Erasmus