https://textus-receptus.com/index.php?action=history&feed=atom&title=Ephesians_3_Urdu_Hindustani_Bible_1878 2026-05-22T05:48:26Z Revision history for this page on the wiki MediaWiki 1.45.3 https://textus-receptus.com/index.php?title=Ephesians_3_Urdu_Hindustani_Bible_1878&diff=366233&oldid=prev 2023-09-25T06:13:54Z

<p>New page: {{Books of the Urdu Hindustani 1878 New Testament}} PULUS KA KHATT AFSION KO. 3 BÁB * 1 Is waste main Pulus tum JL gair qaumon ke liye Yisu Masih ka qaidi hun. * 2 Ki tum ne suna hog...</p> <p><b>New page</b></p><div>{{Books of the Urdu Hindustani 1878 New Testament}}<br /> <br /> PULUS KA KHATT AFSION KO.<br /> <br /> 3 BÁB<br /> <br /> * 1 Is waste main Pulus tum JL gair qaumon ke liye Yisu Masih ka qaidi hun.<br /> <br /> * 2 Ki tum ne suna hoga, ki mujhe tumhare liye Khuda ke fazl ki mukhtari mili.<br /> <br /> * 3 Ki us ne ilham se us bhed ko mujh par khola, (chuunanchi main us ko thore men age likh chuka,<br /> <br /> * 4 Jise tum parhke jan sakte ho, ki main Masih ka bhed kis qadr samajhta hun)<br /> <br /> * 5 Jo agle zamanon men bani Adam ko is tarah na mahum hua, jis tarah us ke muqaddas rasulon aur nabion par Ruh se ab zahir hua.<br /> <br /> * 6 Ki gair qaumen Injil ke wasile se miras men sharik, aur badan men shamil, aur us ke wade men, jo Masih ke sabab se hai, sajihon.<br /> <br /> * 7 Aur Khuda ke fazl ke inam se, jo us ki qudrat ki tasir se mujhe mila hai, main is Injil ka khadim hun.<br /> <br /> * 8 Mujhe jo sare haqir tarin muqaddason se haqir hun, yih fazl &#039;inayat hua, ki main gair qaumon ke darmiyan Masih ki beqiyas daulat ki khusbkhabari dun.<br /> <br /> * 9 Aur sab par yih bat roshan karun, ki us bhed men shirkat kyunkar hoti hai,jo azal se Khuda men, jis ne sab kuchh Yisu&#039; Masih se paida kiya, poshida tha.<br /> <br /> * 10 Ki ab kalisiye ke wasile se Khuda In gunagun hikmat, sardaron aur ikhtiyarwalon par jo asmani maknnon men hain, zahir howe.<br /> <br /> * 11 Us irade ke mutabiq jis ko us ne hamare Khudawand Yisu Masih ke haqq men azal se kiya.<br /> <br /> * 12 Aur ham us men hoke be parwa hue, aur us par iman lane se bharose ke sath dakhl bhi rakhte hain.<br /> <br /> * 13 Pas main chahta hun, ki tum meri musibaton ke sabab, jo tumhari khatir hain, sust mat hoo, kyunki ye tumhare liye&#039;izzat hain.<br /> <br /> * 14 Is waste main hamare Khudawand Yisu Masih ke Bap ke age, apne ghutne tekta hun.<br /> <br /> * 15 (Ki us se tamam khandan asman aur zamin par kahlata hai,)<br /> <br /> * 16 Ki wuh apne fazl ki daulat ke muwafiq tumhen yih de, ki tum us ki Rub se batni insaniyat men bahut hi zorawar ho jao.<br /> <br /> * 17 Aur Masih tumhare dilon men iman ke wasile se base; aur ki tum muhabbat men jar paida karke aur neo dalke,<br /> <br /> * 18 Sare muqaddas logon samet samajhne ki qudrat paida karo, ki us ki chauran, aur Iamban, aur gahrao, aur unchan kitni hai.<br /> <br /> * 19 Han, Masih ki muhabbat, jo daryaft se bahar hai, daryaft kar sako, taki tum Khuda ki sari bharpuri se bhar jao.<br /> <br /> * 20 Ab us ko jo aisa qadir hai, ki jo kuchh ham mangte, ya khiyal karte hain, us se nihayat ziyada, us qudrat ke muwafiq jo ham men tasir karti, kar sakta hai.<br /> <br /> * 21 Us ko kalisiye ke darmiyan Masih Yisu men pusht dar pusht abad tak jalal howe. Amin.<br /> <br /> {{Donate}}</div>

Erasmus