https://textus-receptus.com/index.php?action=history&feed=atom&title=1_Thessalonians_5_Urdu_Hindustani_Bible_18781 Thessalonians 5 Urdu Hindustani Bible 1878 - Revision history2026-05-23T13:39:03ZRevision history for this page on the wikiMediaWiki 1.45.3https://textus-receptus.com/index.php?title=1_Thessalonians_5_Urdu_Hindustani_Bible_1878&diff=366209&oldid=prevErasmus: New page: {{Books of the Urdu Hindustani 1878 New Testament}} PULUS KA PAHLA KHATT TASSALUNIQION KO. 5 BÁB * 1 Par, ai bhaio, tumhen us ki hajat nahin, ki waqton aur mausimon ki babat kuchh tum...2023-09-21T05:50:59Z<p>New page: {{Books of the Urdu Hindustani 1878 New Testament}} PULUS KA PAHLA KHATT TASSALUNIQION KO. 5 BÁB * 1 Par, ai bhaio, tumhen us ki hajat nahin, ki waqton aur mausimon ki babat kuchh tum...</p>
<p><b>New page</b></p><div>{{Books of the Urdu Hindustani 1878 New Testament}}<br />
<br />
PULUS KA PAHLA KHATT TASSALUNIQION KO.<br />
<br />
5 BÁB<br />
<br />
* 1 Par, ai bhaio, tumhen us ki hajat nahin, ki waqton aur mausimon ki babat kuchh tumhen likhun.<br />
<br />
* 2 Is waste ki tum ap khub jante ho, ki Khudawand ka, din is tarah awega, jis tarah rat ko chor ata hai.<br />
<br />
* 3 Jis waqt log kahte honge, ki Salamati aur be-khatri hai, tab, jis tarah hamila ko dard lagte ham, un par nagahani halakat awege, aur we na bachenge.<br />
<br />
* 4 Par tum, ai bhaio, tariki men nahin ho, ki wuh din chor ki tarah tum par a pare.<br />
<br />
* 5 Tum sab nur ke ferzand, aur din ki aulad ho; ham rat ke nahin, aur na tariki ke hain.<br />
<br />
* 6 Is waste chahiye, ki auron ki tarah na soen, balki bedir aur hoshyar rahen.<br />
<br />
* 7 Kyunki jo sote hain, so rat hi ko sote hain; aur jo matwale hote, rat hi ko matwale hote hain.<br />
<br />
* 8 Par ham jo din ke hain, iman o muhabbat ka baktar, aur najat ki ummed ka khod pahinkar, jagte rahen.<br />
<br />
* 9 Kyunki Khuda ne ham ko gazab ke liye nahin, balki is liye muqarrar kiya, ki ham apne Khudawand Yisu Masih se najat hasil karen.<br />
<br />
* 10 Ki wuh hamare waste mua, taki ham, kya jagte, kya sote, us ke sath jien.<br />
<br />
* 11 Is liye tum ek ek ko tasalli do, aur ek dusre ki taraqqi chaho; chunanchi tum karte bhi ho.<br />
<br />
* 12 Aur, ai bhaio, ham tum se 'arz karte hain, ki tum un ko jo tum men mihnat karte, aur Khudawand ke kam men tumhare sardar hain, aur tum ko nasihat karte hain, mano.<br />
<br />
* 13 Aur un ke kam ke sabab muhabbat se un ki bari 'izzat karo. Aur tum apas men mile raho.<br />
<br />
* 14 Aur, ai bhaio, ham tumhari minnat karte hain, ki tum kajrauon ko nasihat karo, zaif-dilon ko dilasa do, kamzoron ko sambhalo, sab ki bardasht karo.<br />
<br />
* 15 Dekho, koi kisi se badi ke'iwaz badi na kare; balki tum har waqt ek dusre se, aur sab se, khush-suluki karo.<br />
<br />
* 16 Hamesha khush raho.<br />
<br />
* 17 Nit dua mango.<br />
<br />
* 18 Har ek bat men shukrguzari karo; kyunki Masih Yisu* men tumhari babat Khuda, ki yihi marzi hai.<br />
<br />
* 19 Ruh ko mat bujhao.<br />
<br />
* 20 Nubuwaton ki hiqarat na karo.<br />
<br />
* 21 Sari baton ka imtihan karo; bihtar ko ikhtiyar karo.<br />
<br />
* 22 Har ek badi ki surat hi se dur raho.<br />
<br />
* 23 Aur wuh jo salamati ka Khuda hai, ap hi tum ko bilkull pak kare, aur tumhara Sab kuchh, yane, tumhari ruh, aur jan, o badan, hamare Khudawand Yisu' Masih ke ane tak be-'aib salamat rahe.<br />
<br />
* 24 Jis ne tumhen bulaya, wuh sachcha hai; wuh aisa hi karega.<br />
<br />
* 25 Bhaio, hamare waste dua mango.<br />
<br />
* 26 Sare bhaion ko pak bosa leke salam karo.<br />
<br />
* 27 Main tumhen Khudawand ki qasam deta hun, ki' yih khatt sare muqaddas bhaion men parhwao.<br />
<br />
* 28 Hamare Khudawand Yisu' Masih ka fazl" tum par howe. Amin.<br />
<br />
{{Donate}}</div>Erasmus